Nos selekshon nashonal U-17 lamentabelmente ta keda eliminá for di e último buèlta di e weganan di kualifikashon pa mundial di FIFA U-17 ku a tuma lugá na Panama!
Nos selekshon nashonal U-17 lamentabelmente ta keda eliminá for di e último buèlta di e weganan di kualifikashon pa mundial di FIFA U-17 ku a tuma lugá na Panama!
Manera ya ta konosí, nos selekshon nashonal U-17 a sali pa Panama dia 20 aprel último p’asina kumpli ku nan kompromisonan den e delaster buèlta di e weganan di kualifikashon pa mundial di FIFA U-17. Djabièrne, 28 di aprel 2017, nos selekshon U-17 a regresá for di Panama, despues di a partisipá na e torneo aki ku ta tuma lugá di 21 di aprel pa 7 di mei próksimo. Nos selekshon tabata forma parti di grupo A ku ta konsistí di e siguiente paisnan; Haiti, Honduras, Panama i Kòrsou.
Durante nos promé enkuentro kontra di e ekipo di Haiti nos a sali viktorioso i a sa di gana nan ku e skor di 1 pa 0. E úniko gol di e enkuentro aki a keda anotá pa Nathan Bernadina. Durante nos segundo enkuentro kontra Honduras nos selekshon a kai vensí ku e skor di 3-0. Miéntras Panama, e ekipo amfitrion, a gana nos ku e skor di 1-0 durante nos delaster enkuentro. Ku e resultadonan aki nos selekshon nashonal U-17 a keda eliminá for di e torneo aki.
Resultado di weganan:
Fecha Tim A Tim B Resultadonan Lugá
1 21 aprel 17 Kòrsou Haiti 1-0 Estadio Maracana (Panama)
2 Panama Honduras 4-2
3 24 aprel 17 Honduras Kòrsou 3-0
4 Panama Haiti 0-0
5 27 aprel 17 Honduras Haiti 3-1
6 Panama Kòrsou 1-0
Dia nan promé, 3 i 5 di mei lo tuma lugá e partidonan pa semifinal den Estadio Maracana, miéntras e gran final lo tuma lugá dia 7 di mei pa 3’or di atardi den Estadio Rommel Fernandez.
Nos selekshon nashonal di U-17 ta konsistí di un grupo di 20 hungadó ku ta wòrdu dirigí pa Sr. Ludwig Alberto ku ta e direktor tékniko di e selekshon aki i Sr. Reynold Mercera ku ta e asistente di e direktor tékniko. Tambe ta biaha huntu ku e selekshon Sr. Roderick Roojer ku ta entrenadó di físiko i esun enkargá ku materialnan di nos selekshon, un masahista kual ta Sr. Clinton Leocadia i e hefe di delegashon ku ta Sr. Hubert Isenia, miembro di direktiva di FFK.
Nos selekshon ta konsistí di e siguiente hungadónan;
1. Kevin Juliana
2. Danèl Rosa
3. Quinton Burk
4. Alexander Suart
5. Ayodele Kwidama
6. Roderick Bolijn
7. Sellfrine Pieters
8. Jared Tyrol
9. Shurendric Fransinet
10. Richajier Oleana
11. Quintin Rustveld
12. Nathan Bernadina
13. Luchenthly Vrutaal
14. Ronathan Willems
15. Daveraux Cicilia
16. Sharrion Pietersz
17. Rogier Bazoer
18. Angérick Dorothea
19. Quincy Does
20. Brayan Albertus
FFK i MCB kier a gradisí nos selekshon di U-17 pa e bon trabou ku nan a hasi a hasi aya na Panama durante e delaster buèlta di e weganan pa kualifikashon di mundial di FIFA U-17 i kier a enkurashá e hóbennan aki pa nan sigui ku e bon trabou p’asina otro bia nos bai pa e titulo máksimo.
2 mei 2017
