Aruba a pone krans ariba Dodenherdenking na Waalsdorpervlakte

Aruba a pone krans ariba Dodenherdenking na Waalsdorpervlakte

Den Haag – Un delegacion di Gabinete di Minister Plenipotenciario, encabesa pa studiantenan Arubiano, a pone un krans na e monumento na Waalsdorpervlakte ariba “Dodenherdenking” diaheubs 4 di mei 2017. Tambe presente tabata e esposa di Minister Plenipotenciario Amy Yrausquin/Roos y famia.

Prome cu esaki a tuma lugar un encuentro na Cas di Aruba. Directora di Gabinete di Aruba Shandra John a yama e publico presente y a bisa di ta contento pa mira asina hopi studiante presente. Sra. John a bisa cu e conmemoracion ariba “Dodenherdenking” na Waalsdorpervlakte ta un lugar y monumento cu un significacion special, pasobra e monumento ta na e sitio unda durante di segunda Guera Mundial hopi persona cu tabata forma parti di e resistencia contra di e ocupacion Aleman a wordo fusila. Entre nan e hoben Arubiano Boy Ecury cu hunto cu otro miembronan di resitencia a haya su morto pa medio di un peleton di bala ariba 6 november 1944.
Finalmente Shandra John a bisa cu ta importante pa di e manera aki tene na bida e memoria y  e storia di bida di Boy Ecury.
Despues tabata tin presentacion di e documentario “A Royal Affair”. E documentatio aki a wordo traha riba peticion di ex Gobernador di Aruba sr. Fredis Refunjol y e video ta duna un bista durante siglonan e nificacion di Aruba pa cu Reino Hulandes.

Na e monumento na Waalsdorpervlakte e studiantenan Arubiano Victor Jarzagaray y Britney Koolman a pone un krans acompaña pa e demas studiantenan, Shandra John, Amy Yrausquin y famia y Ivonne Navas di departamento di Enseñansa di Cas di Aruba

Na final e studiantenan a expresa di a haya e conmemoracion uno hopi interessante y conmovedor.

DEN HAAG / WASS. 4-5-2017 WAALSDORPERVLAKTE DEBUTATIE ARUBA TIJDENS KRANSLEGGING BIJ MONUMENT. FOTO JOS V LEEUWEN / ARUBAHUIS

DEN HAAG / WASS. 4-5-2017 WAALSDORPERVLAKTE DEBUTATIE ARUBA TIJDENS KRANSLEGGING BIJ MONUMENT. FOTO JOS V LEEUWEN / ARUBAHUIS
Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: