NOTISIA DI POLIS ULANDA 5 MEI 2017
TA PÈRSEGUÍ I DETENÉ PÈRSONANAN KU A KIBRA DRENTA
AMERSFOORT-Den e anochi di djawebs 4 di mei 2017 pa djabierne 5 di mei 2017 a pèrseguí i detené 4 pèrsona ku a kibra drenta.
Banda di 02:30, polisnan a mira riba Vlasakkerweg un outo ku lusnan dòf.
E vehíkulo a haña señal pa para, pero despues a huí.
A start un persekushon , den kua esnan den e outo tabata tira artíkulonan pafó di e outo.
E pèrsekushon a bai terminá serka banda di e tùnel na e bahada A28, ora ku e shòfùr a kore i kibra su tayernan.
E 4 hòmbernan (16;17;18;19 aña di edat, for di Amersfoort), ku tabata den e outo,a wòrdu detené i hibá warda di polis.
Riba e ruta di e pèrsekushon, polisnan a haña hèrmèntnan ku a wòrdu uzá pa e kiebro.
Despues di un investigashon, polisnan a bin topa un negoshi riba Utrechtseweg, ku bentana di glas destruí.
Rechèrche ta investigando e kaso.
================================
A DETENÉ PÈRSONA KU A KIBRA DRENTA UN CAFÉ
TENEUZEN- Riba djabierne 5 di mei 2017,a arestá un hòmber di 44 aña di edat, pa motibu ku el a kibra drenta un café.
Polisnan a haña un notifikashon alrededor di 05:10, tokante un kiebro den un establesimientu di hòreka na Baandijk.
Na e establesimentu, polisnan a mira kon un hòmber a kana bai na e outo di entréga.
E hòmber a purba na hui i polisnan a uza pepperspray pa por a detené.
A buska den bisendario pa su kómplisé, pero sin resultado.
================================
SHÒFÙR BURACHI TA DAL DEN MURAYA DI TÙNEL.
HOEK- Un hòmber di 60 aña di Deurle(B), a wòrdu detené riba e mainta di 5 di Mei 2017, pa motibu ku el a dal beter di mas i a dal kontra e muraya di Westersscheldetunnel.
Agentenan a haña notifikashon alrededor di 05:30, ku un outo ku tabata zeila dor di e tùnel, lo a bai dal kontra e muraya.
Na e sitio, agentenan a mira e outo pará na fin di e tùnel na e barera.
E shòfùr tabata den e outo. A resultá despues di “adamananalysetest”, ku el a bebe di mas.
A detené i hibé warda pa hasi um tèst di sanger.
( resultado no ta konosí ainda)
================================
HOPI MOTORSAIKEL KU NO TA NA ÒRDU….43 BÚT REPARTÍ.
TILBURG- Riba djawebs 4 di Mei 2017.,entre 14:00 i 22:00, polis a hasi un kontròl riba motorsaikelnan riba Koningsplein i Burgemeester Bokxlaan.
A para e akshon, alrededor di 20:00, pa motibu di e dia di konmemorashon di e mortonan.
A parti 43 bút, kual den nan tabatin
8 pa motibu di velosidat.
RESULTADO:
———————-
8X velosidat haltu + notifikashon W.O.K.
5X pa falta di e spil na banda robes.
4X pa kore pasa riba e pad pa baiskel
3X pa falta di pitu.
3X pa speling riba e” balhoofdlager”
3X pa falta di reibeweis
3X pa pasa den lus kòrá.
4X pa tayer ku falta airu.
1X pa brék no adekuá.
2X pa meter di velosidat.
1X pa partinan skèrpi na kurpa di outo.
1X mùfler kibrá.
1X pa kore den direkshon kontrali.
2 motorsaikel a wòrdu konfiská pa investigashon tékniko.
================================
3 DETENSHON DESPUES DI A TOPA KU PLANTASHON DI MARIHUANA.
DIESSEN – Den e depósito na un kas na Hoogbocht a bin topa riba djawebs 4 di Mei 2017, riba un tep, ku un plantashon di marihuana. A detené 2 hòmber ku tbt okupá den e depósito.
Ta trata di 2 hòmber di Tilburg di 40 i 42 aña.
E habitante di 42 aña a presentá mas despues na warda i tambe a wòrdu arestá di mes manera.
A konfiská e planchinan, 2 filter di karbon, 2 stòfzuiger, un kokolishi, un fèn, un reguladó di tèmperatura i un tèrmometer.
PRIORIDAT:
Polis, ministerio públiko i gemeente ta duna hopi pioridat na deskubrimentu di marihuana.
E plantashinan aki ta okashoná hopi bia, molèster di olor, peliger di kandela, o hopi bia un relashon ku krimennan organisá ( violensia, kiebro, atrako, likidashon, ripdeals)
================================
A KIMA OUTO HÒRTÁ.
TILBURG- Un outo hòrtá a wòrdu kimá e anochi di 5 di Mei 2017, alrededor di 04:05, riba Lucas Meijerstraat, despues di un choke.
Polisnan ta buskando testigunan.
Un dama di Tilburg (39), djawebs anochi a stashoná su vehíkulo, alrededor di 22:00, dilanti su kas den e siudat di Korvel.
Alrededor di 04:05 a topa su outo kimá den Lucas Meijerstraat.
E vehíkulo tabata pará parsialmente riba kaya i skuins dilanti di un Peugeot ku tabata stashoná.
E outo aki tabatin daño na e parti patras dor di un choke.
Tambe tabatin daño di kandela na e outo.
CHOKE SIGUÍ PA KANDELA.
Polis ta sospechá ku e ladron di outo lo a dal kontra un outo stashoná riba Lucas Meijerstraat i despues pegu’é na kandela .
A buska e malhechor den e area, pero sin resultado
E 2 outonan envolví a wòrdu di tou.
================================
TÉP ANPR TA RESULTÁ DEN 4 DETENSHON.
DELFT- Polisnan a haña un tep ANPR di un outo hòrtá riba A12.
Un ratu despues e ANDR a resultá riba A13, tambe dor di un hint.
Ora polisnan a bai tira un bista na e stashòn di gasoline, nan a deskubrí un outo hòrtá ku 4 pèrsona aden.
Un mucha hòmber (17) di Den Haag,
Un hòmber (18) di zoetermeer,
i 2 mucha muher(17) di Zoetermeer.
Rechèrche ta investigando e kaso.
E outo hòrtá, un Ford Fiesta, a keda hòrtá for di un kas na Dr.J W Paltelaan den Zoetermeer.
Riba djawebs 4 di Mei 2017, entre 15:45 i 24:00, deskonosínan a drenta e kas, via un bentana riba e promé piso i nan a bai ku diferente artíkulo.
Tambe nan a bai ku e suichnan di outo i e Ford Fiesta
Polis ta investigando si e 4 pèrsonanan aki tabata envolví den e kiebro na e kas.
================================
POSISHON PROHIBÍ DI ARMA
RHENEN – Un hòmber(40) a wòrdu detené djawebs anochi 4 di Mei 2017, durante in konmemorashon Nashonal di e mortonan riba Grebbeweg na Rhenen , pa posishon prohibí di arma.
E hòmber a hasi in señal di tira ku su mannan den direkshon di e polisnan presente, kendenan a bai pa papia ku n’e i kontrol’é.
Polisnan a deskubrí ku e tabatin un kadena pisá huntu kuné ku un kabu traha na dje.
Dor ku e obheto aki por wòrdu uzá komo arma, e hòmber a wòrdu detené i hibá warda di polis.
E hòmber aki di 40 aña no tin un adrès fiho i ta un konosí di polis.
E motibu ainda no tin klaridat.
================================
ATRAKO RIBA GRILL & GRILL
HAARLEM- Djawebs anochi 4di Mei 2017, alrededor di 18:30, a atraká un negoshi ku ta bende bibida na Soendaplein.
Polis a haña un notifikashon djawebs anochi ku 2 atrakadó armá lo a atraká Grill & Grill na Soendaplein.
E pèrsonal den e tienda a wòrdu menasá ku arma .
Pero niun hende a sali heridá.
Despues di e notifikashon polis a start un búskeda riba e 2 atrakadornan aki, kendenan a húi despues di e atrako, riba un scooter kolor skur.
Rechèrche a hasi un investigashon pa haña pista di e atrakadornan.
YAMADA NA TESTIGUNAN.
Polisnan riba djawebs anochi a papia ku algun testigu i ainda ta enbuska di pèrsonanan ku lo tin mas informashon tokante e atrako aki.
Si un hende a mira algu den bisendario di Soendaplein,djawebs atardi pa anochi , ku tin di haber ku e atrako riba Grill & Grill. Mester yama e tim di atrako na Haarlem, na number 0900-8844.
AKSHON DI POLIS PARTI SUIT.
ROTTERDAM- Riba djarason anochi, polis a kita 21 kilo di harddrug, un arma, 8 sospechoso for di kaminda.
Un kas nacEric Kropstraat a resultá di ta un “versnijdingspand”; un lugar kaminda
ta traha e sustansianan, droga i harddrug.
Hendenan di polis di e “basisteam”, e siman promé a mira situashonnan sospechoso, rondó di e kas na Eric Kropstraat.
E tim di prevenshon a start un investigashon i djarason a bai vigilá e kas.
Na momentu ku un shòfùr di taxi a drenta e kas i sali den korto tempu ku un tas di kompras grandi. A kontrol’é.
Den e tas tabatin 11 kilo di harddrugs.
E i un otro pasahero den e outo a keda arestá.
Polis a kontrolá e kas i a topa banda di 10 kilo di harddrug, tambe un arma di kandela. A konfiská tantu e arma i droga i destruinan. 2 pèrsona ku tabata den e kas i 4 pèrsona ku tabata den bisendario di e edifisio tambe a keda arestá.
Ta trata di e hòmbernan di e edatnan entre 17 pa 35 aña di Rotterdam i sin un lugá fiho pa biba. Tambe a kita un Audi i un Mercedes for di e sospechosonan .
E tim di prevenshon lo sigui ku e investigashon.
================================
