*BAN RESIKLA DEN BARIO DI MUNDU NOBO CURAÇAO CLEAN UP CURIOUS TO DIVE, COCA COLA I FEDERASHON OTROBANDA TA INTRODUSI TALKING RECYCLING BIN” DI COCA COLA RIBA PLENCHI DI MUNDU NOBO*
*BAN RESIKLA DEN BARIO DI MUNDU NOBO CURAÇAO CLEAN UP CURIOUS TO DIVE, COCA COLA I FEDERASHON OTROBANDA TA INTRODUSI TALKING RECYCLING BIN” DI COCA COLA RIBA PLENCHI DI MUNDU NOBO*
Resiklahe, limpia Kòrsou I kuido di nos medio ambiente ta al órden di dia. E organisashonan ariba menshoná Curaçao CLEAN UP CURIOUS TO DIVE, I FEDERASHON OTROBANDA a bin ta traha huntu den forma di akshonnan pa atendé ku diferente aspekto di e problema di sushi. E responsabilidat i e akshonnan ta responsabilidat di nos tur, Habitante, Instansha gubernamental i no-gubernamental . Mester tin:
- Akshon(nan) di limpiesa kontinuo,
- Kampaña(nan) i konsientisashon i edukashon tokante e tema for di na skol
- Implementashon di resiklahe
- Leinan pa maneho di sushi i kuido di medio ambiente, pa menshoná algun.
Pa kuminsá trese informashon, akshon i edukashon di e tópiko mas serka di nos habitantenan, awe 14 mei a kuminsá ku e proyekto di resiklahe den bo bario.
Curious to Dive, Coca Cola I Federashon Otrobanda a lansa e proyekto piloto aki den Bario di Mundo Nobo. Riba e plenchi di Mundo Nobo tin un “kliko” den forma di un bòter di Coca Cola pa habitante tira tur produkto di plèstik aden. Tur plèstik lo ser transportá pa Green Phenix, ku ta uza e plèstik aki pa traha kos nobo di plèstik kuné. Resiklá e plèstik.
Esaki ta solamente un komienso, lo sigui ku mas kampaña i informashon tokante e proyekto aki den e dianan benidero riba medionan soshal entre otro.
Algun hóben di GTO Brasbènt i Excell Drum Squad a deleitá nos durante e akto di e lansamentu di un forma festivo. Hóben(nan) di bario presente ya a duna e ehèmpel i kuminsá tira boternan presente riba e plenchi den e “kliko”.
*POR TIRA TUR PRODUKTO DI PLASTIC ADEN, BOTER, SAKU I OTRO PRODUKTO DI PLESTIK*
