KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA

A finalisá kompra di IDOM Technologies: Digicel ta atkerí kompania renombrá di ICT

A finalisá kompra di IDOM Technologies: Digicel ta atkerí kompania renombrá di ICT

WILLEMSTAD– MEI– Resientemente Digicel a anunsiá ku e’la sera un akuerdo di atkisishon pa 100% kompra di IDOM Technologies. Ku su operashonnan den awanan teritorial franses (West Indies i Oséano Indio), IDOM Technologies ta proveé un portofolio grandi di servisionan di ICT, inkluyendo konektividat, voice i servisionan di seguridat pa mas di 800 empresa i klientenan den sektor públiko den diferente industria inkluyendo seguro, komèrsio, servisionan finansiero, salubridat i outomotríz.

Komo parti di e akuerdo, Digicel lo kumpra IDOM su red di fibra óptiko di 265 kilometer pa di e forma aki halsa su konektividat i abilidat pa ofresé servisionan di ICT inovativo na e futuro generashon di klientenan na Martinique, Guadeloupe, French Guiana i La Reunion. E términonan finansiero di e akuerdo lo no keda divulgá miéntras ku e transakshon final ta suheto na aprobashon regulatorio.

Komentando riba e transakshon, Colm Delves, CEO di Digicel Group a bisa, “Business Solutions ta un di e áreanan ku mas ta kresiendo den merkado i e atkisishon di IDOM Technologies ta representá un fit stratégiko ekselente i ta kuadra perfektamente ku nos intenshonnan pa krese i ekspandé nos presensia den e área di ICT. Nos ta kontentu i ta mira dilanti pa sigui konstruí riba e plataforma ku IDOM ya a establesé i trese nos portofolio kompleto di servisio pa Martinique, Guadeloupe, French Guiana i La Reunion.”

639114718427035"
639114718427035"