Reglanan kon ta atendé i dokumentá kehonan riba wèpsait di Banko Sentral di Kòrsou i Sint Maarten

Reglanan kon ta atendé i dokumentá kehonan riba wèpsait di Banko Sentral di Kòrsou i Sint Maarten


WILLEMSTAD/PHILIPSBURG – Banko Sentral di Kòrsou i Sint Maarten a fiha den kuadro di supervishon di komportashon, reglanan general obligatorio pa atendé kehonan riba instansianan ku ta kai bou di supervishon. Un bon maneho pa atendé kehonan ta importante pa asina pone interes di kliente sentral i di e forma ei duna un kontribushon balioso na krea un ambiente di trabou salú i duradero serka un instansia ku ta bou di supervishon. Banda di esei, un atendementu i atministrashon efisiente di kehonan di konsumidónan ta kontribuí na e konfiansa ku mester tin pa un instansia ku ta bou di supervishon en partikular i sektor finansiero en general. P’esei ta importante pa fiha reglanan general obligatorio pa medio di un areglo ku ta indiká e manera pa atendé kehonan ku ta relashoná ku instansianan (hurídiko) ku ta bai bou di supervishon. E areglo ta disponibel riba wèpsait di Banko Sentral. Banko Sentral ta duna balor na kehonan, tepnan i señalnan di públiko pa loke ta trata instansianan ku ta bai bou di supervishon. Via di formularionan ku ta optenibel riba e wèpsait http://www.centralbank.cw/complaint-forms por entregá kehonan di forma digital na Banko Sentral. Ta bon pa menshoná ku Banko Sentral no ta fungi komo intermediario pa atendé kehonan. Por haña mas informashon riba e manera ku Banko Sentral ta atendé kehonan pa loke ta trata instansianan ku ta kai bou di su supervishon riba e wèpsait http://www.centralbank.cw/complaint-faq.

Willemstad, 5 mei 2017 CENTRALE BANK VAN CURACAO EN SINT MAARTEN

This site uses Akismet to reduce spam. Learn how your comment data is processed.

error: Content is protected !!
%d bloggers like this: