KOMUNIKADO DI KUERPO POLISIAL KÒRSOU TOPIKO AKSIDENTE DI TRAFIKO KU MORTO

KOMUNIKADO DI KUERPO POLISIAL KÒRSOU  

144/2016.

6 mei 2016. 

Aksidente di tráfiko ku morto

KUERPO POLISIAL KÒRSOU SIRBI I PROTEHÁ

________________________________________

Djabièrnè 5 di mei 2017, alrededor di 22.41’or Sentral di polis a dirigí un patruya na Weg naar Welgelegen pa un aksidente di tráfiko ku herido. Na yegada di e patruya nan a topa ku un outo (shinishi) ku a dal den muraya di un misa i ku e shofùr no tabata duna señal di bida. For di investigashon preliminar ku polis a realisá na e sitio a sali na kla ku shofùr di e outo en kestion tabata kore riba e kaminda ariba menshoná den direkshon di Mundo Nobo ku velosidat haltu. Dado momentu e shofùr di e outo shinishi a bai pasa un outo blanku ku tabata kore su dilanti. Na momentu ku e la bai hala riba man drechi e parti dilanti di e outo ku e tabata manehá a dal kontra e parti robes di e outo blanku ku e la bai pasa. Dor di e impakto aki probablemente e shofùr di e outo shinishi a pèrdè kòntròl riba su vehíkulo, kita na man robes, bai riba man kontrali i finalmente a bai dal frontal den muraya di un misa.

Dòkter di polis ku a presentá na e sitio, a konstatá morto di e hòmber Melvin Peter Capella, nasé na Kòrsou dia 29 mei 1941. Departamento di tráfiko ta kontinuá ku e investigashon aki.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: