PASTOR RAUL TA LANSÁ I ESTRENÁ SU DI 5 DISKO KOMPAKTO: SEÑOR MI TA KERE’, HUAN 11:27 DURANTE KONSIERTO “SEÑOR MI TA KERE” SOLD OUT

PASTOR RAUL TA LANSÁ I ESTRENÁ SU DI 5 DISKO KOMPAKTO: SEÑOR MI TA KERE’, HUAN 11:27 DURANTE KONSIERTO “SEÑOR MI TA KERE” SOLD OUT

Willemstad- Un misa di Steenrijk “sold out” i un konsierto yena ku piesanan for di e di 5 disko kompakto di Pastor Raul tabata esenario pa tremendo konsierto “Señor mi ta kere” yena ku alabansa na señor ku a ser tene resientemente. Durante di e konsierto aki Pastor Raul, huntu ku su elenko musikal, a lansa i presentá kansionan di varios ritmo for di e.o. e disko kompakto aki ku ta kontené 8 piesa, na e publiko grandi ku a haña su kaminda pa misa di Steenrijk yena den tur skina.
Mayoria di e kansionan riba e disko kompakto ta komposishon di Pastor Raul mes. E biaha aki atrobe Milan Getrouw a bolbe kolaborá ku un kansion di Hesus Mizerikòrdia, tin dos kansion saka for di Misal di Pueblo i tambe un komposishon dediká na La Birgen di Altagracia. Areglo i grabashon tabata den man di Hershel Rosario. Un danki ta bai na e agrupashon musikal bou di direkshon di Hershel Rosario i e koristanan ku a kompletá e elenko pa trese e presiosidat di e disko kompakto aki riba merkado. Un danki speshal na tur e demas artistanan ku a kompaña Pastor Raul i presenta durante di e tremendo konsierto aki.
Esnan ku a presensha e anochi aki a gosa di un kartelera varia ku kansionan ku ritmo di e.o. merengue, reggae, wals. Pa koroná e obra tur hende ku a bishita e konsierto a haña komo regalo e disko kompakto.
E disko kompakto aki ta realmente un alabansa na Dios i ta laga kada un di nos realisá ku en bèrdat nos mester para ketu i bisa “Señor mi ta kere.” Esaki ta un disko kompakto ku bo mester tin den bo kolekshon, busk’é awe mes na tur e mihó puntonan di benta di disko kompakto.

This site uses Akismet to reduce spam. Learn how your comment data is processed.

error: Content is protected !!
%d bloggers like this: