Febeko Korekshon i splikashon

Na direktiva di USAC
Atenshon di sr. Roald Gijsbertha, presidente
 
Kòrsou,  8 di mei 2017
 
Apresiabel sr. Gijsbertha,
 
Apresiabel señor Gijsbertha,
 
Dia 7 di mei último mi a dirigí un karta na miembronan di FEBEKO den kua ta partisipá reanudashon di kampeonato AA. Den e karta ei tambe mi a indiká ku e partidonan numerá 10 pa 21 no a tuma lugá pa motibu di e akshon di USAC. Ademas mi a skirbi ku e desishon di USAC pa drenta akshon ta remarkabel entre otro pa motibu ku e ‘debe’ di FEBEKO na umpirenan, segun e faktura ku a keda entregá despues i mirá riba base individual, tabata ménos ku 130 florin pa kabes na momentu ku USAC a kanta akshon;
 
Mi a haña remarke di 3 miembro di boso organisashon indikando ku e dos puntonan aki a hasi hopi doló den boso seno. Motibu pa kua gustosamente mi ke koregí i aklará mi ponensianan.
 
E loke mi a skirbi tokante e totalidat di partidonan ku a para pa motibu di akshon di USAC no ta kompletamente korekto. E total di partido ku a para pa motibu di e akshon di USAC no ta 12, pero 9. Partidonan 10 i 11 (23 di aprel) a keda posponé pa motibu di Marcha di Seú. Meskos ta konta pa partido number 13 ku a kai riba Dia di Rei i a keda posponé riba petishon di e klupnan ku lo mester a hunga e dia ei.
 
E ponensia tokante e ‘debe’ di FEBEKO na USAC ku ta ménos ku 130 florin pa kabes ta basá riba kalkulo hasí pa ku e promé buèlta di kampeonato Liga Hubenil. Na momentu ku USAC a manda e faktura di e di dos buèlta, ainda e di dos buèlta no a kulminá. Segun palabrashon ta despues ku un buèlta kaba FEBEKO ta haña faktura di e buèlta. E kalkulo ku mi a hasi ta basa riba e totalidat di 12 umpire/scorer ku a mira akshon durante di promé buèlta di e kampeonato i pa kua FEBEKO tabata ‘debe’ USAC e montante di 1470 florin.
 
Por fabor di aseptá mi diskulpa pa a krea e impreshon di a kulpa USAC pa e echo ku e tres partidonan 10, 11 i 23 no a sigui pa motibu di e akshon di USAC.
 

_______________________
Sekretariado FEBEKO
Marlon Balentin

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: