Investigashon relashoná ku kurpa sin bida ku a topa riba laman.
KOMUNIKADO DI PRENSA
233 / 2019
14 yüni 2019
Investigashon relashoná ku kurpa sin bida ku a topa riba laman.
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Relashoná ku e kurpa sin bida ku djadumingu dia 9 di yüni 2019 personal di Warda Kosta a
saka for di laman (wak komunikado di prensa di Warda Kosta) mas o ménos 5 mia for di
altura di Bullenbaai, investigashon den e kaso aki a kontinuá.
For di outopsia riba e kurpa aki, por a konkluí ku e hòmber aki a hoga.
Despues di e topa ku e kurpa sin bida aki, diferente informashon a kuminsá sirkulá, ku lo
mester tabatin un insidente riba laman ku un boto for di Venezuela rumbo pa Kòrsou, ku
tabatin un kantidat konsiderabel di persona a bordo.
Tambe e vershonnan ta indiká mas leu, ku lo tin mas víktima.
E informashonnan aki a yega na konosementu di polis tambe, pero te na e momentunan aki
e investigashon táktiko no a finalisá.
Pues polis no por konfirmá e vershonnan aki.
Entre tantu a kuminsá ku e proseso di identifikashon di e víktima i asina ku esaki tambe ta
kla i famia di e víktima wòrdu pone na altura, polis lo duna e nòmber liber.
E kaso aki ta sigui den investigashon.
