Tim Kulinario di Kòrsou ta organisá eksitoso Cook Out

Tim Kulinario di Kòrsou ta organisá eksitoso Cook Out

Willemstad, 2 di April 2019- En konekshon ku e partisipashon di e tim Kulinario di Kòrsou  na Taste of the Caribbean na Miami, e tim a organisá un  Cook Out na Amazia djaluna último.  E Cook Out tabata e promé di 4 cook out ku lo ser organisá e aña aki. Durante e cook out, e bishitantenan tabata tin e oportunidat di purba e kumindanan ku kual e tim kulinario lo kompetí ku ne na Taste of the Caribbean.

40 bishitante tabata tin e plaser di eksperensia e delisianan kulinario di e tim. E cook out tabata konsistí di un menú di 3 plato kombiná ku su biña. Tur bishitante tabata tin e oportunidat pa duna e diferente platonan un puntuashon i duna feedback na e chefnan pa asina nan perfekshoná e diferente kumindanan. Ademas e bishitantenan a haña un tremendo bon bini di e bartèndernan di e tim kulinario den forma di un cocktail.

E cook out ta un di e diferente eventonan pa rekoudá fondo ku e tim kulinario ta organisá pa asina generá fondo pa nan por partisipá na e kompetensia kulinario internashonal na Miami. E eventonan aki ta ser hasi posibel dor di e konfiansa I sosten di hopi diferente profeshonalnan kulinario I kompanianan lokal. Nan ta brinda e tim kulinario di Kòrsou un plataforma i invertí nan tempu, hasi fondo i òf material/ekipo disponibel pa asina e tim por prepará nan mes debidamente. E aña aki e evento di cook out a ser hasi posibel dor di sosten di Licores Maduro, Delinova, Amazia I Nolly’s.

CHATA ta sumamente gradesido pa e sosten di e profeshonalnan kulinario i e diferente kompanianan ku ta invertí nan tempu i rekurso den e tim kulinario di Kòrsou .

Pa sigui e desaroyo di e Tim Kulinario Di Kòrsou i nan preparashon pa partisipa na Taste of the Caribbean bishitá @culinaryteamcuracao riba Facebook i Instagram.

========================

 

Curaçao Culinary Team organizes

successful Cook Out event

 

Willemstad, April 2, 2019- In preparation for the Taste of the Caribbean competition taking place in Miami, the Curaçao Culinary team hosted their first famous Cook Out at Amazia on April 1, 2019. This cook out was the first of four cook out events that will be organized by the Curaçao Culinary team.  During the Cook Out events, the guests will have the opportunity to taste the competing dishes that the culinary team is going to present at the Taste of the Caribbean competition.

40 Guests had the pleasure of experiencing the culinary delights of the Curaçao Culinary Team. The Cook-Out consisted of a 3-course meal perfectly paired with succulent wine. Every guest had the chance to grade the dishes and even provide the chefs with their feedback in order for them to perfect their culinary skills for the competition. The competing bartenders also provided the guest with a delicious welcome drink in order to set the mood for the night.

The Cook out is one of many fundraising events that the Culinary Team regularly hosts, or participates in, to raise funds for their participation in the international culinary competition in Miami. These events are all made possible by the trust and support of many. Culinary professionals, and local businesses provide the culinary team with a platform, donate their free time or support the team with, funds and or the necessary materials/equipment for these young individuals to adequately prepare themselves for the competitions. This year’s cook out events were made possible by the support of Licores Maduro, Delinova Amazia and Nolly’s. CHATA is very grateful for the support of the many professionals and organizations that devout their time and resources to the team.

To follow the Culinary Team on their journey to the Taste of the Caribbean Culinary Competitions check out the Facebook & Instagram accounts of the Curaçao Culinary Team @culinaryteamcuracao.

This site uses Akismet to reduce spam. Learn how your comment data is processed.

error: Content is protected !!
%d bloggers like this: