Omzetbelasting: kobra esaki i despues no deklar’é i no pag’é na kaha di Pais Kòrsou, no ta un akto kastigabel?

Omzetbelasting: kobra esaki i despues no deklar’é i no pag’é na kaha di Pais Kòrsou, no ta un akto kastigabel?

Entradanan di omzetbelasting presupuestá pa aña 2019 ta mas o ménos 25% di e total di entradanan di Pais Kòrsou pa aña 2019. P’esei parlamentario Curtley Obispo a puntra den e reunion di Parlamento di Kòrsou di dia 27 mart 2019, ku si ta aktuando determiná riba kasonan kaminda komersiantenan ta kobra nos pueblo omzetbelasting i despues nan no ta hasi deklarashon (“aangifte”) i no ta paga e omzetbelasting na kaha di Pais Kòrsou? Kon konkretamente Servisio di Impuesto ta atendiendo e tipo di kasonan aki?

Tambe riba e tópiko aki e la sigui hasi un serie di pregunta na Minister di Finansa señor Kenneth Gijsbertha, entre otro: (1) kobra omzetbelasting i despues no deklar’é i tambe no pag’é dor di komersiantenan no ta un akto kontra bienestar i progreso di henter nos komunidat?. Un ta ora pa ménos “schikking” i sòru mas di e tipo di kasonan ariba menshoná wòrdu persiguí penalmente segun e lei di omzetbelasting?, (2) segun Ontvanger di Kòrsou, kuantu sèn di omzetbelasting Pais Kòrsou tabata tin pa kobra na final di aña 2018?. Ta bai sali den aña 2019 pa kobra e omzetbelasting aki ku Pais Kòrsou tin derecho riba dje a base di lei?, (3) over di e periodo di 1 yanüari 2011 te ku 31 desèmber 2018, kuantu e korekshon total di omzetbelasting tabata tin a base di investigashonnan (“boekenonderzoeken”) di Stichting Belastingaccountantsbureau (SBAB)? Petishon pa risibí e spesifikashon di e montante total den mion florin pa kada aña.  (4) Over di e periodo ariba menshoná tur e aanslagnan pa korekshon di omzetbelasting a wòrdu pone dor di Inspekshon di Impuesto a base di investigashon nan di SBAB?

Potret 2019 parlamentario Curtley Obispo vershon 2

This site uses Akismet to reduce spam. Learn how your comment data is processed.

error: Content is protected !!
%d bloggers like this: