Kontratista ta bai limpia restunan di konstrukshon Klein Kòrsou den wikènt

Kontratista ta bai limpia restunan di konstrukshon Klein Kòrsou den wikènt

Willemstad – Den wikènt ku ta bini, e kontratista Jemar Building & Construction ta limpia e restunan di renobashon di e faro na Klein Kòrsou. Ta trata di panchi di dak i otro material di konstrukshon bieu, ku a kita for di e faro i a remplasá ku material nobo. Di mes no por kita e material ei sin mas for di e isla, pero mester a plania ku kua boto i na ki manera esaki por a sosodé na un manera mas efisiente i responsabel.

E faro ta un monumento históriko protehá i alabes un atrakshon turístiko di Klein Kòrsou. Renobashon di e faro ta konsistí di dos fase di kual unu ta den fase di finalisashon. Fase dos ta konsistí di trabounan na e muraya, porta, kozein, bentana, renbak i demas renobashon na flur di e faro. Tambe lo fèrf tantu parti paden komo parti pafó di e faro. Fase dos lo kuminsá mas den transkurso di aña 2017.

Renobashon di e faro na Klein Kòrsou ta forma parti di Domeinbeheer su trayekto Rumbo pa Ekselensia. E faro original di Klein Kòrsou ta di aña 1850, pero na aña 1879 mester a konstruí esaki kompletamente di nobo, despues ku un orkan i demas forsanan di naturalesa a destruí esun original. A skohe e tempu ei pa traha e faro mei mei di e isla, kompará ku esun original ku tabata na kosta.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: