YES Carnival Group Ku Anochi Di Informashon i Inskripshon

YES Carnival Group Ku Anochi Di Informashon i Inskripshon

Willemstad – Direktiva di YES Carnival Group na nòmber di tur nos chikitinnan un biaha mas kier yama danki na tur spònser ku a kere den e promé aña di e grupo su partisipashon den karnaval 2017 den marcha hubenil kaminda ku nos a logra bai ku e premio “ Folklor Nashonal òf Internashonal”.
Na e momentunan aki Grupo YES ta ful den preparashon pa loke ta bira karnaval 2018 i ta invitá tur miembro eksistente i/o esnan ku kier bira miembro di YES Carnival Group na un Anochi di informashon i tambe inskripshon kual ta tuma lugá djabièrnè 12 Mei 2017 pa 7or anochi na Schipbeekstraat 4 (Suffisant, nèt patras kaminda ántes Panaderia Bon Pan).
Durante e anochi aki mayornan lo risibí tur informashon kon pa partisipá, fundraising i tambe e preis pa partisipá den grupo kual lo no varia for di aña pasa. Pa mas informashon por bishita nos Facebook Page: YES Carnival Group, por tuma kontakto ku lider di grupo Sr.Ryan Celestina na 512-4036 òf por yama 527-7910 pa mas informashon.