18 DI MEI DIA INTERNASHONAL DI MUSEO
18 DI MEI DIA INTERNASHONAL DI MUSEO
Kralendijk – Djaweps dia 18 di mei2017 ta selebrá “ Dia Internashonal di Museo “.
Tur aña ” International Council of Museums” (ICOM) i UNESCO ta proponé pe dia aki un tema, esaki mestersirbi komo estímulo i promoshon pe aktividat(nan) ku ta tuma lugá den museonan rònt mundu.
Pa aña 2017 ICOM i UNESCO a proponé e tema “UNSPEAKABLE”.
Ku e tema aki komo punta di lansa museonan tin ku trata na hasi nos sosiedatnan mas konsiente i alerta tokante di kultura i su naturalesa.
Nos sosiedatnan mester hasi esfuerso pa bira mas koperativo i uza nos rekursonan natural konsiente i na midi.
Pues nos sosiedatnan mester bira mas preokupá pa nan no sigui destruí naturalesa pero biba segun regla i normanan ku ta sostené i ta den límitenan di nos madre naturalesa.
Resumiendopor bisa ku museonan tin un ròl importante den nos sosiedatnan, tantu riba terenonan sosial, edukativo komo ekonómiko.
Mediante di e artíkulo aki SKAL-Museo Bonaire ke duna su aporte pa hasi nos komunidat Boneriano mas konsiente – alerta i preokupá pa nos kultura i aktividatnan di un museo.
SKAL-Museo Bonaire ta konta ku e sosten moral – koperashon – komprenshon i apresio di un i tur.
Ban uni forsa i esfuerso pa hasi nos sosiedat unu sostenibel ku ta karga su kultura i museo ku alma i kuerpo.
