Registrashon den bo porta di kas

Registrashon den bo porta di kas

Willemstad – Ministerio di Desaroyo Sosial, Labor i Bienestar i ministerio di Hustisia ta uni forsa i drenta barionan di Kòrsou pa duna informashon, stimulá i registrá siudadanonan ku kier entrená pa haña un trabou den e mega proyekto di modernisashon di Isla i Bullenbaai.
Diabièrnè awor 19 di mei e dos ministerionan aki lo ta den barionan di Bándariba. Regisornan di bario (buurtregisseurs) di ministerio di hustisia i funshonarionan di SOAW lo tei for di 08.00 or di mainta te ku 06.00 or di atardi mas serka di bo pa interkambiá i registrá bo, pa bo tambe ta den.
E mobil ta na e diferente barionan na e diferente orarionan:
Seru Grandi: riba plenchi pegá ku skol i misa katóliko, entre 08.00 or – 09.30 a.m.
Sabana Baka: na haltura di Stripan, entre 09.45 or – 11.15 a.m.
Montaña Rei: riba plenchi Hit 100.3, entre 11.30 or – 01.00 p.m.
Rooi Santu: na haltura Flor de Mayo, entre 01.15 or – 02.45 p.m.
Montaña Abou: plenchi pariba di skol Angela Jessurun, entre 03.00 or – 04.30 p.m.
Montaña Abou: na haltura di Sahara, entre 04.45 or – 06.15 p.m.
Pa esnan ku no a topa e mobil di e ministerionan di SOAW i Hustisia riba e mesun dia 19 di mei aki, por akudí na Sentro di Bario Montaña, Sentro di Bario Sta. Rosa i Fundashon Adelanto Rooi Santu for di 08.00 or di mainta te ku 08.00 or di anochi pa nan registrá.
Tambe nos lo ta na Sentro di Korekshon Kòrsou kaminda detenidonan ta bai sali entre awor i desèmber por inskribí riba e dia aki i personanan ku ta bou di “elektronisch toezicht”.
Si tin grupo o personanan ku kier pa e team bishitá nan pa nan por registrá nan mes, por yama na numbernan di telefòn 434-0334, 434-0326, 434-0396, 434-0395.
Despues di e barionan na Bándariba e team di SOAW i Hustisia lo bishitá otro barionan tambe konforme un skema, ku lo komuniká via di medionan di komunikashon despues.
Aparte di dia 19 mei, pueblo por sigui registrá tur dia for di djaluna te ku djabièrnè, na Kas di Bario Brievengat na John Monsanto z/n, Kas di Bario Punda na Tauber-building, Prinsenstraat # 86, Kas di Bario Otrobanda na Breedestraat # 171/180 i Kas di Bario Sta. Maria na Jan Noordynweg, entre 8:00 am pa 11:30 am i 2:00 pm pa 4:00 pm.
Tambe tin oportunidat pa registrá na Fundashon pa Edukashon i Formashon di Fishi i Kapasitashon (FEFFIK). For di djaluna te ku djabièrnè, entre 2:00 pm i 6:00 pm.