En conexion cu dia aki, Departamento di Salud Publico (DVG) kier haci enfasis riba e importancia di mantene bo vianan respiratorio den bon estado.

E diferencia entre un pulmon saludabel y uno afecta ta determinante pa bo calidad di bida:

• Pulmon saludabel: Ta ros, elastico y ta haci e intercambio di oxigeno den forma eficiente, permitiendo bo hala rosea libremente y sin esfuerso;
• Pulmon afecta: Ta bira scur, hincha y ta perde su elasticidad, dificultando e entrada di oxigeno y causando cortamento di aire y tos cronico.

E enemigo number un di pulmon ta humamento: Huma (tambe e uzo di vape) ta e factor principal cu ta destrui bo pulmonnan E substancianan toxico den tabaco ta daña e ‘cilium’ (e micro-fibranan cu ta limpia e pulmon), ta causa inflamacion cronico y ta aumenta drasticamente e riesgo di cancer di pulmon, COPD (‘ Chronic Obstructive Pulmonary Disease’) y infeccionnan grave

E bon noticia ta cu na momento cu bo stop di huma, bo pulmonnan ta cuminsa recupera y drecha nan funcion casi mesora

Bo salud ta cuminsa cu un bon respiracion. Ban cuida nos pulmonnan awe pa mañan nos por gosa di un bida yen di vitalidad!