No tur cacho cu nos mira riba caya a nace sin hogar. 

Hopi tin un cas y un doño, pero ta laga nan cana liber y por sali for di cura sin supervision.

Mientras e cacho ta riba caya, e ta exponi na e mesun peligernan cu un animal bandona.

Un cacho cu ta cana liber por:

• Perde;
• morde un persona;
• e por ataca otro animal;
• causa accidente, auto por dal’e;
• reproduci sin control.

E doño por pensa cu e cacho lo bolbe cas, pero durante e tempo ey e animal y comunidad ta core riesgo.

Hondenverordening ta duidelijk den esaki: e responsabilidad ta riba e ‘houder’. Pues, bisa cu e cacho semper ta sali y bolbe no ta kita responsabilidad legal di e doño.

Asumi bo responsabildad 

Bandona un animal of pone pafo sin sigui garantisa su cuido ta contrario na e principio di responsabilidad cu e ley ta establece. Si bo no por sigui cuida bo mascota, busca ayudo y un solucion sigur y responsabel. Por fabor, no laga e animal na su suerte.

E solucion pa animalnan riba caya no ta cuminsa ora captura nan. E ta cuminsa na cas: cu porta cera, supervision, cuido y un doño cu no ta renuncia na su responsabilidad.

Pa un comunidad harmonioso, un doño di mascota responsabel alabes!

Base legal: Hondenverordening, articulonan 1, 2 y 3. Nota: e ley no ta formula abandono como un delito separa den e texto cita.

Sea bo tambe un doño di mascota responsabel. Cada acto di responsabilidad ta salba un bida.

Planta amor, proteha nan bienestar y hunto nos por logra un Aruba sin animalnan bandona.

Pa keda semper informa:

Like Facebook page Directie Volksgezondheid DVG Aruba

Follow Instagram directie_volksgezondheid_aruba

Check Aruba Health App

Bishita www.dvg.aw

Yama na 5224200

Mail na servicio@dvg.aw

Check WhatsApp Channel

Join WhatsApp Communities.