Orashon djadumingu 21 di mei 2017
Orashon djadumingu 21 di mei 2017
Si boso ta stima Mi, boso lo warda mi mandamentunan. Lo Mi pidi Tata i lo E manda un otro pa yuda boso, ku lo keda pa semper huntu ku boso. E ta e Spiritu di bèrdat, ku mundu no por risibí; pasobra nan no ta mir’É nan no konos’É. Ma boso konos’É, pasobra E ta keda serka boso i lo ta den boso. Lo Mi no laga boso manera wérfano; Mi ta regresá serka boso. Djis poko tempu mas i mundu no ta mira Mi, ma boso sí lo mira Mi. Pasobra Mi ta biba, boso tambe lo biba. Ora e dia ei yega, boso lo sa ku Ami ta den Tata i ku boso ta den Mi, meskos ku Ami ta den boso. Esun ku aseptá mi mandamentunan i obedesé nan, ta stima Mi. Mi Tata ta stima esun ku stima Mi i Mi tambe lo stim’é i mustr’é ken Mi ta.’
Huan 14:15-21
