KOMUNIKADO DI KUERPO POLISIAL KÒRSOU Hòmber ta yega poli ku herida di bala

KOMUNIKADO DI KUERPO POLISIAL KÒRSOU
172 / 2017
23 mei 2017
Hòmber ta yega poli ku herida di bala
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djamars 23 di mei 2017, alrededor di 19.26 or, Sentral di Polis a dirigí un patruya di Rio
Canario na Blomenteweg kaminda tin un outo stashoná ku perforáshon di bala i sanger den
dje.
E patruya ku a yega na e sitio en bèrdat a haña un outo ku algun perforashon di bala i
tambe tabatin sanger den e outo.
Na e sitio sentral di Polis a dirigí un otro patruya di Rio Canario na Costa Ricaweg kaminda a
bin haña ‘huls’ riba kaminda.
Algu ratu despues ta drenta notisia na sentral ku un hòmber a yega Poli ku herida di bala
den kabes i na su skouder robes.
Sentral ta dirigí patruya di Otrabanda na Poli. For di un investigashon preliminar ku e
patruya a realisá na poli nan a bin komprendé ku un ratu promé un outo mester a yega
baha e hòmber heridá na Poli i despues sigui kore bai.
E kasonan aki ta den investigashon pa saka afó si nan tin vínkulo ku otro.
Polis a konfiská un kantidat di ‘huls’ na Costa Ricaweg i tambe e outo pa mas investigashon.
Polis ta supliká tur persona ku por tin informashon tokante di e kaso aki, pa tuma
kontakto ku polis na 917 òf e liña anónimo 108.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: