Siman di 30 di mei pa 3 di yüni “Preparando pa Cuba” Oportunidat pa presensiá e presentashonnan ku Boneiru ta bai duna na Cuba – Week van 30 mei tot 3 juni ‘Aan het voorbereiden voor Cuba’ Gelegenheid om de presentaties bij te wonen die Bonaire gaat geven in Cuba


Siman di 30 di mei pa 3 di yüni “Preparando pa Cuba” Oportunidat pa presensiá e presentashonnan ku Boneiru ta bai duna na Cuba

Kralendijk – Durante e siman “Preparando pa Cuba” ta duna oportunidat na tur hende pa eksperensiá e shou ku Boneiru lo presentá durante Festival del Caribe na Cuba. Den kuadro di preparashon pa Festival del Caribe den luna di yüli, gobièrnu di Boneiru den koperashon ku Fuhikubo ta organisá tres anochi di presentashon di e kolokionan ku lo trese durante e festival na Santiago de Cuba. Un kolokio ta un charla riba nivel akadémiko kaminda ta duna splikashon di e materia i oportunidat pa hasi pregunta. Manera ya a menshoná e aña aki a dediká e festival na nos isla di Boneiru. Esaki ta enserá ku Boneiru tin e oportunidat pa kompartí i eksponé su kultura i historia na tur bishitante di e festival. Tur aña tin míles di turista ta bini for di Latino Amérika, Karibe i Oropa pa partisipá na e festival i haña mas informashon di e isla.
Kolokio
Pa medio di e kolokionan lo duna splikashon di orígen di e fiestanan kultural maskarada, fiesta di San Juan i San Pedro i fiesta di kosecha. Esaki ta na enkargo di Bòi Antoin i Bob Harms. Tambe lo duna presentashon di e arkitektura boneriano i nos monumentunan. Sedney Marten ta e eksperto riba e área aki. Stinapa tambe lo duna su kontribushon na e kolokionan debí ku Boneiru ta un di e promé islanan den Karibe ku a protehá su naturalesa kuminsando ku e naturalesa bou di laman. E kolokio aki lo ta na enkargo di Paulo Bertuol. For di djamars 30 di mei te ku djaweps 2 di yüni lo presentá e kolokionan den sala di Fuhikubo pa 7’ or di anochi. Tur hende ta bonbiní i entrada ta grátis.

Happy Hour Cubano
Djabièrnè 2 di yüni Skal ta organisá un ‘happy hour’ kubano den kurá di museo di Boneiru na Skal. Grupo ESO ku tambe ta bai Cuba lo sòru pa un tremendo ambiente. Tur hende ta invitá pa bini e ‘happy hour’ kubano i entrada ta grátis. E fondo ku generá for di benta di kushina i bar ta bai pa e gruponan ku ta preparando pa bai Cuba.

Shou di Gala
Durante e “Taste of Bonaire” organisá pa TCB tin un presentashon di e shou di Gala ku lo trese durante e festival. E shou ta na enkargo di Angelo Domacassé i tin presentashon di diferente artista boneriano manera grupo Tutti Frutti, Maskarada, Dance Sensation, Intense Brass Band i grupo di baile Folklor Boneriano. E shou ta tuma lugá djasabra 3 di yüni riba Plaza Wilhelmina i ta kuminsá 7’or di anochi. Durante e shou por mira e historia di Boneiru i tambe e bailenan kultural ku ta karakterisá nos isla.

NEDERLANDS

Week van 30 mei tot 3 juni ‘Aan het voorbereiden voor Cuba’ Gelegenheid om de presentaties bij te wonen die Bonaire gaat geven in Cuba

Kralendijk – Gedurende de week ‘Aan het voorbereiden voor Cuba’ wordt aan iedereen gelegenheid gegeven om de show mee te maken die Bonaire gaat laten zien tijdens de ‘Festival del Caribe’ in Cuba. In het kader van de voorbereidingen voor de ‘Festival del Caribe’ in juli organiseert het Bonairiaanse eilandsbestuur in samenwerking met de Fuhikubo drie avonden met presentaties van de colloquiums die tijdens het festival in Santiago de Cuba gehouden worden. Een colloquium is een lezing op academisch niveau waarbij uitleg gegeven wordt over een bepaald onderwerp en met gelegenheid om vragen te stellen. Zoals reeds bekend wordt het festival dit jaar gewijd aan ons eiland Bonaire. Dit houdt in dat Bonaire de gelegenheid geboden wordt om haar cultuur en geschiedenis te delen met en te laten zien aan alle bezoekers van het festival. Elk jaar komen duizenden toeristen uit Latijns-Amerika, de Cariben en Europa om deel te nemen aan het festival en meer informatie te krijgen over het eiland.
Colloquium
Door middel van de colloquiums zal er uitleg gegeven worden over de oorsprong van de culturele feesten ‘maskarada’, de San Juan- en San Pedro-viering en het oogstfeest. Bòi Antoin en Bob Harms zijn hiermee belast. Ook zal er een presentatie gegeven worden over de Bonairiaanse architectuur en onze monumenten. Sedney Marten is de deskundige op dit terrein. De Stinapa zal ook haar bijdrage leveren aan de colloquiums omdat Bonaire een van de eerste Caribische eilanden is die aan natuurbescherming doet, te beginnen met de natuur onder de zeespiegel. Paulo Bertuol is belast met dit colloquium. Vanaf dinsdag 30 mei tot en met donderdag 2 juni worden de colloquiums gehouden in de zaal van de Fuhikubo om 7 u. ‘s avonds. Iedereen is welkom en het entree is gratis.

Cubaans Happy Hour
Op vrijdag 2 juni organiseert de Skal een Cubaans ‘happy hour’ in de tuin van het Bonaire-museum bij het Skalgebouw. De muziekgroep ‘Grupo ESO’ die ook meereist naar Cuba zal voor een geweldige sfeer zorgen. Iedereen is uitgenodigd om naar de Cubaanse ‘happy hour’ te komen. Het entree is gratis. De opbrengsten van de keuken en de bar gaan naar de groepen die zich aan het voorbereiden zijn om naar Cuba te gaan.

Galashow
Tijdens de ‘Taste of Bonaire’ die de TCB organiseert is er een presentatie van de Galashow die op het festival vertoond wordt. Angelo Domacassé is belast met de show en er zullen verschillende Bonairiaanse artiesten optreden zoals Tutti Frutti, Maskarada, Dance Sensation, Intense Brass Band en de dansgroep ‘Folklor Boneriano’. De show vindt op 3 juni plaats op het Wilhelminaplein en begint om 7 u. ‘s avonds. Tijdens de show kan de Bonairiaanse geschiedenis en folkloristische dansen die karakteristiek zijn voor ons eiland aanschouwd worden.

This site uses Akismet to reduce spam. Learn how your comment data is processed.

%d bloggers like this: