Orashon djaluna 29 di mei 2017

Orashon djaluna 29 di mei 2017

Miéntras Apolo tabata na Korinte, Pablo a krusa interior di e provinsia di Asia Menor i yega Éfese. Aya el a topa algun disipel i puntra nan: ‘Boso a risibí Spiritu Santu ora boso a aseptá fe?’ Nan a kontest’é: ‘Nos no a tende ku tin Spiritu Santu mes!’ Pablo a puntra nan: ‘Ta kua boutismo boso a risibí antó?’ Nan a rospondé: ‘Boutismo di Huan.’ E ora ei Pablo a bisa nan: ‘Boutismo di Huan tabata un señal di kombershon i Huan a bisa e pueblo: “Kere den Esun ku ta bini despues di mi”, esta Hesus.’ Ora nan a tende esei, nan a laga batisá nan den nòmber di Señor Hesus. Pablo a pone man riba nan i Spiritu Santu a bini riba nan; nan a kuminsá papia den lenganan straño i profetisá. Nan tabata nan diesdos. Pablo a bai snoa, kaminda tres luna largu e tabata papia ku kurashi tokante reino di Dios i tabata purba konvensé nan.
Echonan 19:1‭-‬8