PAR ku oido pa Otrobanda.

PAR ku oido pa Otrobanda.

Riba invitashon di Federashon Otrobanda (FO),frakshon di PAR, MAN i PIN, djasabra 27 di mei 2017 a asistí na un kaminata informativo i interaktivo den e 8 bario nan di Otrobanda.

Kada komishon di bario a haña oportunidat pa durante e enkuentro duna un splikashon pa ku difikultat nan ku nan ta enkontrá den nan bario.

4 punto ku a resaltá durante e kaminata tabata:
1. Kriminalidat
Habitante nan di e diferente bario nan ta sinti nan mes insigur, debí na e subida di kriminalidat den e bario. E komishonnan ta konta ku enpartikular e hende grandinan ta skohe pa durante ora di atardi tempran kuminsá sera nan kas di forma preventivo.
2. Limpiesa
Durante e kaminata frakshon di PAR a tuma nota di diferente lugá kaminda ta benta sushi deliberadamente. Un situashon a-higiéniko.
3. Problemanan Sosial- Ekonómiko.
Komishon di Kortijn i tambe di Ser’i Domi a indiká ku nan ta eksperensiando bastante difikultat ku problemanan sosial manera pobresa, isolashon di hende grandi i dropout.
4. Infrastruktura
Ta ampliamente konosí ku estado di diferente kas di Otrobanda ta den mal estado i federashon Otrobanda ta pidi atenshon pa esaki.

Frakshon di PAR ke rekonosé e esfuersonan ku Federashon Otrobanda i tur su organisashonnan afiliá ta hasi I tambe pa nan trabounan insistente pa yega un Otrobanda desaroyá riba tur nivel .
Kaminda ta nesesario gobièrnu huntu ku Parlamento mester apliká e leinan konserní i adaptá esakinan pa duna resultadonan konkreto tantu riba tèrmino largu komo kòrtiku.
Gobièrnu, propietarionan, organisashonnan i abitantenan huntu mester yega na otro pa remediá i solushoná loke ku a ser relatá den bario di Otrobanda ku ta e kurason i patrimonio di nos sentro di siudat. Frakshon di PAR den e próksimo simannan lo duna kontenido na e petishon di Federashon Otrobanda.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: