Despues di “oilspill” na Trinidad i daño na Klein Kòrsou,

Despues di “oilspill” na Trinidad i daño na Klein Kòrsou,

Kosta di Kòrsou tambe lo por sufri daño di manchanan di zeta ku ta drif den laman

Willemstad – Djamars dia 23 di aprel último a surgi un aksidente na e kompania petrolero di Trinidad Petrotrin i segun informashonnan alrededor di 300 bari di fuel oil a bai laman. For di e tempu ei manchanan di zeta ta drif den laman i a yega partinan di kosta di Venezuela i Boneiru i awor tambe Klein Kòrsou. Na Kòrsou Ministerio di Salubridat Medio Ambiente i Naturalesa a aktivá e tim di insidente ku ta monitoriá e situashon na tera. Un atvertensha ta bai pa esnan ku ta frekuenta kosta, hasi uzo di kosta òf laman i piskadónan pa tene kuenta ku posibel presensia di manchanan di zeta den laman.

Komo e zeta tin basta dia ta drif den laman su struktura a fragmentá di tal manera ku e ta drif bou di awa i ta hopi difísil mir’e i tuma medidanan efisiente. Esaki ta pone ku ta kasi imposibel pa evitá ku partinan di e zeta aki lo por yega nos kosta. Ministerio di Salubridat Medio Ambiente i Naturalesa ta den kontakto permanente ku otro ministerionan i servisionan i ya a forma diferente tim pa posibel limpiesa di áreanan ku lo por keda afektá. Ta hasi petishon na tur siudadano ku mira manchanan di zeta riba nos kosta pa mèldu esaki na Ministerio via number di telefòn 522 0224.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: