Minister Shalten Hato ICAO PKD BOARD MEETING 2023
Den e siman aki Kòrsou tabatin e honor pa ta amfitrion di International Civil Aviation Organization su reunion anual di hunta di direktiva. International Civil Aviation Organization ta un organisashon speshalisá di Nashonnan Uní ku ta kordiná e prinsipionan i téknikanan di navegashon aéreo internashonal. Banda di esaki nan ta responsabel pa planifikashon i desaroyo di transporte aéreo internashonal pa sigurá kresementu den biahenan aereo di forma seif i sigur.
Komo e tema e aña aki tabata dokumentonan di biahe den forma elektróniko, Minister Hato a hasi akto di presensia na inisio di e reunion pa duna un diskurso i yama e partisipantenan bon binÍ na nos dushi isla Kòrsou.