Minister Jesus-Leito a reuní ku representantenan di hotèlnan den área di Rif
Minister Jesus-Leito a reuní ku representantenan di hotèlnan den área di Rif
Willemstad – Riba djabièrnè 4 di sèptèmber último, Minister Jesus-Leito a reuní ku representantenan di hotèlnan den área di Rif, esta Renaissance Resort, Corendon, i Courtyard Marriot. Meta di e reunion aki tabata pa interkambiá ku otro tokante e desaroyonan den e área i duna un bista di e trabounan.
Durante di e mainta, a papia ampliamente di e 7 proyektonan di gobièrnu, kual ta:
- Parke di palu di Mangel 1
- Parke di palu di Mangel 2
- Konekshon entre e parkenan
- ‘Visitor center’ parke di palu di mangel 1
- ‘Ontsluitingsweg’ Noord-Zuidweg
- ‘Ontslutingsweg’ Oost-Westweg
- ‘Gemaal en persleiding’
Tambe a elaborá kon ta bayendo ku ehekushon di e proyektonan priva, i desaroyo di Corendon i Courtyard. Huntu lo sigui traha na benefisio di Rif. E área aki sigur ta birando sumamente atraktivo tantu pa nos suidadanonan, komo pa turistanan ku ta bishita nos isla.
Pronto lo sigui reuní ku tur grupo di interes pa asina mantené nan informá i envolví den e trayekto.
