Entrante promé di yüni: Subway ta refresh su logo

Entrante promé di yüni: Subway ta refresh su logo

Willemstad, Kòrsou: HUCOR ta anunsiá ku Subway ta re-inventá identidat di su restorantnan despues di mas ku un dékada. Entrante dia 1 di yüni, Subway tin un logo nobo nobo! Algu ku durante di e último 15 añanan no a tuma lugar. Ta sali for di e logo mas ‘diki’ ku liñanan eksterior, pa unu mas strak i simpel manteniendo e koló gel i bèrdè di semper, pero ta ekskluí e koló blanku.

Ta e intenshon pa presentá un identidat mas moderno, pero kedando den e mesun kolónan ku klientenan a bin ta kustumbrá kuné. E logo nobo ta mantené sierto elementonan di e diseño previo, manera e flechanan, símbolonan di e variashon ku Subway ta ofresé na su klientenan. Esaki ta e di 6 bes, den 50 aña ku Subway ta kambia su logo. Di akuerdo ku ehekutivonan di Subway aki na Kòrsou, e kambio ta mundial. Klientenan na Kòrsou lo kuminsá tuma nota di e kambio di logo den tur material di promoshon i gradualmente lo hasi kambio den otro detayenan tambe, manera napkin, kùp i wrapping.

Subway semper a demostrá un aserkamentu inovativo; e kreatividat di Subway por wòrdu sintí den nan variashon di sub, sèntwich òf wrap ku nan ta ofresé. Ademas, tin un gran variedat di ingrediente pa kada skohensia, sea ta pa desayuno, lunch òf kualke ora di dia riba e pan di bo smak; blanku, brùin, parmesan òf kualke un di bo preferensia. Na Subway e pan ta sali fresku tur dia for di fòrnu. Bishitá Subway Brievengat, Saliña, St. Maria, Rio Canario, Sta. Rosa, Mahaai, Punda, Brionplein of Boulevard i disfrutá!

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: