KOMUNIKADO DI KUERPO POLISIAL KÒRSOU Hòmber ta yega poli ku herida di bala

KOMUNIKADO DI KUERPO POLISIAL KÒRSOU
175 / 2017
30 mei 2017
Hòmber ta yega poli ku herida di bala
KUERPO POLISIAL KÒRSOU SIRBI I PROTEHÁ

Djaluna 29 di mei 2017, alrededor di 21.26 or, Sentral di Polis a risibí notifikashon ku un hòmber a yega poliklínika di Sehos ku herida di bala na su pia.
Sentral a dirigí un patruya na poliklínika. For di un investigashon preliminar ku e patruya a realisá nan a bin komprondé di e víktima, ku un ratu promé e tabata na su kas na Kaya Plateau.
Dado momentu e la tende un zonido pafó di kas i a sali bai wak kiko ta pasando.
Di ripiente un hòmber deskonosí pe ku tabata riba tereno di su kas a saka un arma di kandela i
los tiru dirigí riba dje.
E bala a alkansá e víktima na e parti abou di su pia drechi.
Ku un outo partikular e la keda transportá pa poliklínika pa tratamentu médiko.
Investigashon den e kaso ta kontinuá.

This site uses Akismet to reduce spam. Learn how your comment data is processed.

%d bloggers like this: