Derame di zeta ta pidi su promé víktimanan

Derame di zeta ta pidi su promé víktimanan

Willemstad – Un para morto na Ascención i un para bibu pero susha ku zeta ta loke e gruponan ambiental ku ta traha riba limpiesa di nos kosta a haña te ainda. Mesora a pone e protokòl vigente den akshon, ku ta e struktura ku ta usa den kasonan asina .

Ora di haña un para morto mester nota tur dato manera fecha, ora i lokalidat kaminda bo a topa kuné. Si bo por skirbi di ki tipo di para ta trata. Saku algun pòrtrèt( ku selular tambe ta bon) di e para. Bisti protekshon pa bo man i pone e para den un saku di plèstik. -Yama 5608909 i duna informashon i hiba e para pa veterinario dr. Odette Doest.

Ora di topa un para susha ku zeta bibu tambe mester nota tur dato manera. Pa motibu ku ta difísil pa gara un para bibu, ta nesesario pa bisti protekshon. Esaki pa motibu ku e para por kuminsá bati su alanan loke por okashoná ku zeta ta spat den bo wowonan òf riba bo kútis. Transportá e para den un kaha di karton bai dr.Doest.

Ora di purba kaptura un para bibu ku ta sushá ku zeta, por fabor para entre e bestia i laman, di manera ku e para no ta skapa subi laman. Si esei sosodé e por kai den awa i hoga. Si bo mira kualke otro animal (bibu òf morto) ku ta víktima di e derame di zeta, por fabor yama 5608909 mesora. Por manda portrèt i mas tantu informashon posibel pa Sea Turtle Conservation Curaçao.

Awe tim interministerial ku ta kordiná trabounan rondó di e derame di zeta na Kòrsou, a yuda limpia Wakawa di sushi, di moda ku zeta nobo ku ta drif bini, no por pega den esaki. Trabounan pa limpia e diferente sitionan ta sigui den wikènt, ku yudansa di mas boluntario pa yuda esnan ku ta traha henter siman kaba.

Diferente organisashon, manera e sòldatnan di Landmacht stashoná na Kòrsou tambe ta bin yuda. Diferente empresa lokal ta duna yudansa den forma di alimento i materialnan pa e boluntarionan.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: