Minister di GMN señor Silvania a huramentá 58 profeshonal di nos sektor di kuido

Willemstad – Resientemente Minister di Salubridat, Medio Ambiente i Naturalesa
mr. drs. Javier Silvania, durante un aktividat ameno, a huramentá 58 profeshonal di diferente profeshon di nos sektor di kuido. Minister Silvania ta enkargá ku huramentashon ofisial ku mandato di Gobernadó i prof. dr. Sirving Keli a atendé e parti protokolario. Di e forma aki e 58 personanan ku a huramentá a kumpli ku eksigensianan di nos leinan vigente pa nan por ehersé nan profeshon.

Di Instituto pa Formashon den Enfermeria (IFE) a huramentá un total di 33 studiante, den kua tin 16 Verpleegkunde, 6 Dokterassistent, 2 Verzorgende IG i 9 Asistente Botikario. A huramentá tambe 8 Dòker di Kas, 12 Spesialista, 1 Partero i 4 Asistente Botikario. Despues di e akto ofisial Minister di GMN mr. drs. Javier Silvania a felisitá tur e 58 personanan ku a huramentá i a deseá nan tur klase di éksito den nan karera.