Orashon djarason 7 di yüni 2017

Orashon djarason 7 di yüni 2017

Na Bo, SEÑOR, mi ta alsa mi alma, mi Dios, mi ta konfia den Bo; no pone mi kara na bèrgwensa, no duna mi enemigunan gustu. Di esnan ku ta spera den Bo ningun lo no keda brongosá; esnan ku no tin kunes pa kibra ku Bo ta nan so lo keda ku bèrgwensa. Mustra mi bo kamindanan, SEÑOR, e direkshon ku Bo ke pa mi kohe. Guia mi pasonan segun bo bèrdat, siña mi: Abo ta mi Dios i Salbador; henter dia mi ta spera Bo. Kòrda bo ternura, SEÑOR, i bo bondat, komo nan ta eterno. No keda kòrda e piká- i fayonan di tempu mi tabata hóben, sino kòrda riba mi, SEÑOR, den bo gran amor i bondat. SEÑOR ta bondadoso i hustu, E ta mustra pekadónan kaminda. E ta siña sensíonan i humildenan kon sigui kaminda di birtut. Tur kaminda di SEÑOR ta resultá grasia i bèrdat pa esnan ku ta fiel na su aliansa i dekretonan.
Salmo 25:1‭-‬10 

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: