Merito pa Dr. Bob Pinedo

Merito pa Dr. Bob Pinedo

Konosido speshalista di kanser di Kòrsou, Dr. Bob Pinedo (70), fundadó di VU Cancer Center Amsterdam, a risibí djasabra ultimo na Estados Unidos e merito di mas haltu pa investigashon di kanser. Nunka promé un Kurasoleño no a yega di risibí e prestigioso David A. Karnofsky Memorial Award aki.
“Medikonan por siña asina tantu for di un solo hende…. Pa mi kada pashènt ta un perla…” Pa e speshalista di kanser Kurasoleño dr. Bob Pinedo esaki ta lokual e ta para p’e pa tantu aña i awor e ta risibí un premio pa esaki. Pa medio di un simpel punto di salida ku a resultá hopi efektivo: “Trese pashèntnan i investigadornan den serkania di otro, di manera ku esaki ta resultá den un interkambio sientifiko partikular.”