70 empleado di seguridat den área di turismo a finalisá Tourism Safety & Security training ku éksito – 70 Tourism Safety Personnel Successfully Complete Tourism Safety & Security Training

70 empleado di seguridat den área di turismo a finalisá Tourism Safety & Security training ku éksito

WILLEMSTAD – 9 di yüni 2017 – Meskos ku añanan anterior, riba invitashon di Ofisina di Turismo di Kòrsou (CTB), Dr. Peter Tarlow a kompartí e último desaroyonan riba tereno di seguridat na nivel mundial, ku énfasis riba Kòrsou. Dr. Tarlow, ta un eksperto riba tereno di krímen i terorismo den industria turístiko i ta direktor di e organisashon renombrá, Tourism & More Inc. ku ta enfoká spesífikamente riba entrenamentu di kuerponan di seguridat den industria turístiko. For di 5 te ku 8 di yüni último Dr. Tarlow a duna training na diferente persona ku tur dia ta direktamente òf indirektamente enbolbí ku seguridat di e turista i di nos komunidat. E aña aki a enfoká riba un mihó komunikashon durante aktonan di terorismo inesperá. Un total di 70 persona a partisipá na e seshon aki. Minister enkargá ku Desaroyo Ekonómiko sr. Steven Martina tambe tabata presente durante di e entrega di sertifikado.

E enfoke durante e seshon “Komunikashon durante aktonan di terorismo inesperá” tabata pa siña e agente di seguridat pensa bou di preshon, kon pa komuniká di e mihó forma posibel i yuda desaroyá un mihó liña di komunikashon entre kuerponan di seguridat pa den kaso di kualke akshon di terorismo. Na 2014 i 2015 tambe CTB a kordiná un entrenamentu básiko i avansá riba e aspekto di seguridat kual a keda bon risibí serka agentenan di seguridat.

E partisipantenan e aña aki a inkluí agentenan di seguridat di Curaçao Ports Authority, Curaçao Airport Partners, Brantwer Airport, Imigrashon, Duana Kòrsou, Kuerpo Polisial Kòrsou i Politur, Kuerpo di Brantwer Kòrsou, Warda Kosta, agentenan di seguridat di diferente hotèl manera Papagayo Curaçao, Renaissance Curaçao Resort & Casino, Baoase Luxury Resort, Sunscape Curaçao Resort, Spa & Casino, Santa Barbara Beach & Golf Resort, Lions Dive & Beach Resort Curaçao i Hawk Eye Security. Otro partisipantenan indirektamente enbolbí den seguridat di industria turístiko ta Stichting Slachtofferhulp Curaçao, Stichting Maatschappelijke Zorg en Herstel i Departamentu di Desaroyo di Produkto di CTB.

CTB ta gradisí tur partisipante pa nan partisipashon aktivo na e seshonnan i ta konta ku nan lo bai hasi bon uso di e konosementu atkerí den nan trabou diario.

==================

70 Tourism Safety Personnel Successfully Complete Tourism Safety & Security Training

WILLEMSTAD – June 9, 2017 – This year, Dr. Peter Tarlow was invited once more by the Curaçao Tourist Board (CTB) to share his insights on the latest international safety and security developments, with a focus on scenarios in Curaçao. Dr. Tarlow is an industry expert on crime and tourism, as well as the CEO of the world-renowned Tourism & More Inc., which specializes in training tourism-security forces. From June 5 to 8, Dr. Tarlow provided training to a number of persons who are either directly or indirectly involved with visitor safety, as well as that of the local community. This year, the focus was on better communication during unexpected terrorism acts, with 70 persons in attendance. Minister of Economic Development, Mr. Steven Martina was also present at the certificate ceremony.

The focus at the “Communication During Unexpected Terrorism Acts” training was on teaching security personnel how to think under pressure, as well as how to best communicate and help develop better lines of communication between security forces during terrorism events. The CTB had previously coordinated other basic and advanced safety and security training events, in 2014 and 2015, which were well-received by the personnel.

This year, the participants included safety and security personnel of the Curaçao Ports Authority, Curaçao Airport Partners, the Airport Fire Brigade, Immigration Services, the Curaçao Customs, the Curaçao Police Force and Politur (Tourism Police), the Curaçao Fire Brigade, the Coastguard, and security personnel working at a number of hotels, such as Papagayo Curaçao, the Renaissance Curaçao Resort & Casino, Baoase Luxury Resort, Sunscape Curaçao Resort, Spa & Casino, Santa Barbara Beach & Golf Resort, Lions Dive & Beach Resort Curaçao and Hawk Eye Security. Other participants who are not directly involved with tourism safety and security were: Stichting Slachtofferhulp Curaçao (the Curaçao Victim Support Foundation), Stichting Maatschappelijke Zorg en Herstel and the CTB’s Product Development Department.

The CTB wants to thank all in attendance for their active participation during the sessions, and is convinced that they will be making good use of the knowledge acquired, in their day-to-day work.

This site uses Akismet to reduce spam. Learn how your comment data is processed.

%d bloggers like this: