KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

FARANDULA - SOSIAL - ARTE

Ainda no tin un desishon pa Karnaval 2018

Ainda no tin un desishon pa Karnaval 2018

Ya nos ta na e di seis luna di aña 2017 i no a tuma un desishon ken ta e persona ku lo bai tin organisashon di Karnaval 2018. Manera ya pa hopi aña kaba esnan ku haña e derecho pa organisá karnaval semper ta bisa ku nan a hañ’é lat.
Awor nos tin apénas dos siman ku un gobièrnu nobo, pa asina por duna e persona i su team e derecho pa organisá Karnaval 2018. Tin nòmber nan benta ku por ta e posibel persona adekuá pa organisá Karnaval 2018. Nòmbernan manera Juni Aniseta i Corinne Djaoen-Genaro.
Tin ainda tambe e problema di kuentanan i debenan habri for di aña 2015 ku MEO a organisá Karnaval i 2016 ku tin gruponan ku tampoko no a keda kla ku nan premionan. AGKK ku a organisá Karnaval na 2017 tambe no ta kla ainda ku gobièrnu pa kaba di paga tur debe i premionan.
Pa vários aña kaba organisadónan di Karnaval ta bisa ku e montante ku nan ta haña di Gobièrnu no ta sufisiente pa organisá un bon Karnaval. I semper ta keda debe atras. Ku no ta pa e diferente spònsernan nan no ta logra kaba ku tur kos.
Nos a tuma nota riba ret sosial di un deklarashon di Minister sra. Alcala-Walle, ku tin algun duda unda tur e sèn ku gobièrnu ta duna pa organisá karnaval ta bai. Ku ya tin hende para na su porta pa kobra sèn di karnaval.
Nos ta spera ku mas pronto ku ta posibel nos Minister di Kultura sinta na mesa ku e personanan adekuá i pa mas lihé posibel duna e mandato na e grupo ku lo bai tin organisashon di Karnaval 2018 na su enkargo. Ta hopi ta e empresa nan i komersio engeneral ku ta benefisiá durante di e periodo di karnaval. Tuma na kuenta tambe ku pa 2018 e periodo ta kòrtiku.
By Amarcelli Scoop

639114718427035"
639114718427035"