Sambil ta anunsiá e ganador apsoluto di e kompetensha Sambil Pa Kòrsou.

Sambil ta anunsiá e ganador apsoluto di e kompetensha Sambil Pa Kòrsou.

 

Riba djaweps 13 di ougùstùs, Sambil a anunsiá e ganadornan di e kompetensha Sambil pa Kòrsou! Definitivamente tabatin hopi konsepto di negoshi hopi bunita ku a sorprendé nos tur.

Ganador apsoluto di e kompetensha Sambil pa Kòrsou i empresario di aña 2020 a resultá Integra Natural ku su kosepto di negoshi “zero waste store” ku ta konsentrá riba produktonan orgániko i natural pa kueru, kuido pa kabei i produktnan pa limpiesa. Integra Natural lo risibi un espasio den Sambil kompletamente gratis i tambe un chèk na balor di NAF. 1000,- kortesia di CINEX. 

Direktor di Sambil Curaçao, Sr. Jonathan Cohen: “Komo un empresario internashonal i responsabel pa tur e invershonnan hasí dor di Grupo Sambil na Kòrsou tabata un honor pami forma parti di e kuerpo di hurado di e movementu mas grandi di empresarionan lokal i e promé kompetensha di Sambil pa Kòrsou. Mi tabatin e oportunidat di por a konosé kada uní di e konseptonan den un konsepto úniko estilo “Shark Tank” kual a keda kreá pa duna kada finalista e oportunidad di presentá nan konsepto di negoshi individualmente dilanti e kuerpo di hurado. Mi a keda impreshoná i asina orguyoso di mira asina tantu potenshal den kada un di e partisipantenan. Kada un di nan meresé gana, mi a mira hopi kreatividat, perseveransha, i un aktitut di un ganador. Mi ta sumamente emoshoná di mira e empresarionan lokal aki ku ta kuminsá krese bira negoshantenan éksitoso i asina inspirá e komunidat di Kòrsou pa sigui persiguí nan soñonan i hasi esaki realidat asina nos tur huntu por pusha e ekonomia lokal pa dilanti dor di krea mas trabou i benefisionan pa nos hendenan lokal”.

Tambe a keda den e tòp sèis nan: Dinah Veeris Products, Delighted Piña Colada, The Happy Factory, Cosmeo Beauty & Wellness i Jeanely’s Creations. E konsepto di negoshi di mas popular a resultá Dinah Veeris Products ku un total di 256 voto online durante di e marshe ku tabatin na Sambil wikènt ku a pasa. 

For di komienso di e kompetensha aki Ministerio di desaroyo ekonómiko (M.E.O) a apoyá e proyekto aki dor di ofresé un total di 15 finalista un pakete di kurso kompletamente grátis. Adishonal na esaki The Business Brainer tambe a duna su aporte brindanado un oportunidat úniko na e sobrá 5 finalistanan ku a partisipá pa nan tambe por forma parti di e kursonan aki pagando solamente mitar di e montante original.

Mirando e resultado di e kompetensha, e esfuerso, dedikashon i pashon ku kada konespto a trese dilanti, Gerensha di Sambil Curaçao a tuma e desishon pa ofresé tur sobra finalista un periodo di 1 luna grátis den Sambil. Esta e 6 ganadornan lo haña un kontrato di 6 luna kompletamente grátis sin niun kosto mara na dje. I e sobrá 14 finalistana, kada unu lo bai haña un oferta di parti Sambil di 6 luna kaminda nan lo bai paga solamente 3 luna na un montante sumamente abou, sobrá 3 luna Sambil lo regalá nan grátis! 

Sambil di su banda kier yama un i tur ku a hasi e proyekto aki posibel danki i keda pediente pa mas di Sambil pa Kòrsou.