CBCS ta refutá e akusashonnan falsu di Nina Ansary

CBCS ta refutá e akusashonnan falsu di Nina Ansary

WILLEMSTAD/PHILIPSBURG – Centrale Bank van Curaçao en Sint Maarten (CBCS) a tuma
nota di e kobertura duná den diferente medio di komunikashon na sierto ponensianan ku
Nina Ansary a hasi i ta refutá esakinan kompletamente.

Ta remarkabel kon Nina Ansary ta rekurí na akusashon falsu i difamatorio kontra paisnan i
organismonan di gobièrnu di Reino, i funshonario haltu ku ta enkargá ku e kaso di Ennia. Meskos
ku su tata, señora Nina Ansary ta presentá su mes komo un benefaktor di komunidat, siendo ku
un korte independiente di Reino Hulandes a deklará tantu e komo su tata kulpabel di akto ilísito
kontra Ennia i kontra Ennia su aseguradonan. P’esei mes, Korte a kondená señora Nina Ansary
tambe na paga mas di NAf. 945 mion na daño i perhuisio. Na Estádos Unidos tambe korte
independiente a dikta sentensia na fabor di Ennia, representá pa CBCS.
Su deklarashonnan relashoná ku benta di Banco di Caribe, ántes parti di Grupo Ennia, no ta
kuadra ku realidat i ta difamatorio. E benta menshoná ta e resultado di un proseso profeshonal i
diligente di parti di CBCS, asistí pa diferente organisashon eksperto i di renombre internashonal
na Hulanda i Estádos Unídos. Por último, ta bon pa menshoná ku no tin niun alto funshonario di
CBCS ku ta di bandoná su funshon próksimamente.
CBCS lo keda enfoká riba lo prinsipal—rekuperashon di e dañonan kousá pa miembronan di
famia Ansary i otronan, na interes di Ennia su doñonan di pólisa.

Willemstad, 22 di yanüari 2023
CENTRALE BANK VAN CURAÇAO EN SINT MAARTEN

 

Share this page to Telegram

This site uses Akismet to reduce spam. Learn how your comment data is processed.

%d bloggers like this: