Den fin di siman i Salsbach Jazz Trio a hinka un tremendo repertorio den otro kaminda jazz I arte a uni pa deleitá un grupo entusiasmá ku a bin pa ekspresá nan kreatividat den un dushi ambiente.

WILLEMSTAD

Den fin di siman i Salsbach Jazz Trio a hinka un tremendo repertorio den otro kaminda jazz I arte a uni pa deleitá un grupo entusiasmá ku a bin pa ekspresá nan kreatividat den un dushi ambiente.

E evento grandi tabata inisiativa di Art & More huntu ku Art Heals I CCC . Meta di e evento tabata pa rekoudá fondo pa ekspreshon di Arte Dos anochi di ekspreshon di pintura, bon músika di jazz. E evento a tuma luga na sede di Art & More huntu ku Art Heals na Caracasbaaiweg 320-321
“Mi ta orguyoso di e proyekto aki pa motibu ku nos fin no tabata di lukro! Mi ta bai sigui ku e proyekto aki pa sigui mustra pueblo ku nos por krea alternativanan dushi pa baha strèss i relahá. Nos ta bai sigui yuda hopi organisashon rònt Kòrsou. P’esei prepará bo mes pa mas di e tipo di eventonan aki”,asina sra. Morgaine Parris kordinadó di e proyekto ta splika. E imahennan ta papia pa nan mes.
Esnan ku tabata presente a gosa inmensamente di e reportorio ku Salsbach Jazz Trio a presentá. Tres grandi di e mundu di jazz outéntiko di Kòrsou
Angel Salsbach, Etzel Provence i baterista Pepito Reyes a skohe un selekshon di músika úniko i a komplaesnan presente ku loke nan tabata kier a skucha. E imahennan uniko ta papia pa nan mes. Fin di luna spera mas di e tipo di ambientenan aki.