KOMUNIKADO DI KUERPO POLISIAL KÒRSOU Detenshon di dos sospechoso pa resistensia

KOMUNIKADO DI KUERPO POLISIAL KÒRSOU
198 / 2017
11 yüni 2017
Detenshon di dos sospechoso pa resistensia
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 10 di yüni 2017, alrededor di 02.30 or, un patruya ku tabata patruyando den área
di Zuikertuintje a topa un outo stashoná sin niun hende aden, ku tabata opstakulisá e
tráfiko. E patruya a sende su “zwaailicht” pa hala atenshon di e persona ku lo ta manehá e
outo pa e bin kit’e.
Despues di un ratu un hòmber a presentá na e outo. E polis a hala atenshon di e hòmber aki
riba e manera ku e la stashoná e outo. E hòmber a reakshoná di un manera arogante.
Despues e polis a pidi e hòmber pa su reibeweis i e dokumentonan di e outo. E hòmber a
duna e polis su reibeweis pero no a duna e dokumentonan di e outo. E hòmber aki sin
ningun motibu a kuminsá insultá e polis. E polis a eksigié e hòmber aki pa entreg’é e
dokumentonan di e outo. Na e momentu ei e hòmber a ninga di entrega e polis e
dokumentonan i a drenta den e outo i start esaki. Na mes momentu un dama ku tabata
presente a drenta den e outo i sinta riba e stul banda di e shofùr. E polis a bolbe eksigié na
diferente okashon pa e hòmber entreg’é e dokumentonan di e outo. Pero e hòmber no a
kumpli i no kier a duna su kooperashon. Despues ku polis a eksigié na diferente okashon pa
e sospechoso aki M.A.M.C. nasé na Kòrsou di 37 aña di edat entreg’é e dokumentonan di e
outo manera ariba menshoná. E polis a pidié pa paga e motor di e outo. E sospechoso a
ninga di hasi esaki tambe.
Na e momentu ei e polis a habri e porta di shofùr i trata na saka e yabi di e outo pa evitá ku
M.A.M.C. ta kore bai. Tambe pa motibu ku e sospechoso aki tabata hole alkohòl.
Na e momentu ei tantu M.C. komo e dama (sospechoso 2) L.C. nasé na Kòrsou di 35 aña di
edat ku tabata sinta banda di dje a stroba e polis di kumpli ku su trabou. Despues di loke a
pasa e polis a bisa e hòmber ku e ta keda detené pa opstrukshon di trabou di polis.
Na e momentu aki e hòmber a resistí su aresto i e dama L.C tambe a opstruí e aresto.
Na diferente okashon polis a instruí e dama aki pa no stroba nan trabou. E dama a sigui
stroba e trabou di polis. Na e momentu ei polis a haña nan ta uza forsa pa detené M.C..
Un ratu despues polis a detené e dama tambe pa opstrukshon di trabou di polis manera ya
menshoná.
A transportá ámbos sospechoso i e outo pa warda di polis pa mas investigashon.
Departamentu di Komunikashon i Prevenshon
Página 2
SIRBI I PROTEHÁ
A presentá ámbos sospechoso dilanti un fiskal ouksiliar ku despues di interogashon nan a rekobrá
nan libertat.
L.C. alrededor di 07.30’or i M.A.M.C. alrededor di 08.00’or
E investigashon den e kaso aki ta kontinuá.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: