KOMUNIKADO DI KUERPO POLISIAL KÒRSOU Deskonosí(nan) ta pega kas na kandela

KOMUNIKADO DI KUERPO POLISIAL KÒRSOU
199 / 2017
11 yüni 2017
Deskonosí(nan) ta pega kas na kandela
Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ

Djasabra 11 di yüni 2017, alrededor di 03.35 ‘or di mardugá, Sentral di Polis a risibí
notifikashon ku deskonosínan a sende un kas na Atemisiaweg na kandela.
For di un investigashon preliminar ku e patruya ku a yega na e sitio a realisá, nan a bin
komprendé di e abitantenan di kas ku probablemente deskonosí(nan) a sende dos outo ku
tabata den kura di e kas na kandela.
E kandela a ekspandé i pega e kas tambe na kandela.
Brantwer ku a yega na e sitio no por a evitá ku e kas a kima por kompletu.
E kaso ta den investigashon.
Polis ta supliká un i tur ku ta dispone di informashon di e kaso aki pa pasa e informashon
aki pa polis na number di telefònnan: 917 i 108 (riba e number aki bo anonimidat ta
garantisá).

This site uses Akismet to reduce spam. Learn how your comment data is processed.

%d bloggers like this: