Pronóstiko di tempu pa Kòrsou i bisindario bálido te djamars mainta 06:00 o.l., 13 di yüni 2017.

Pronóstiko

Pronóstiko di tempu pa Kòrsou i bisindario bálido te djamars mainta 06:00 o.l., 13 di yüni 2017.
Kompilá: djaluna 12 di yüni 2017, 05:00 o.l. (09:00 UTC).

Tempu: Parsialmente nublá i no ta antisipá áwaseru signifikante awe. Mañan mardugá sin embargo, lo tin un mihó posibilidat pa un áwaseru lokal.
Temperatura máksimo lo alkansá 32 ºC i temperatura mínimo 27 ºC.
Solo ta sali 06:11 i ta baha 19:01 o.l.
Bientu: For di prinsipalmente direkshon ost i moderá te basta fuerte; forsa 4 te 5 (20 te 39 km/ora, 11 te 21 nudo). Espesialmente den dia, de bes en kuando fuerte den ráfaga; forsa 6 (40 te 50 km/ora, 22 te 27 nudo).

Situashon general: Durante di próksimo 24 ora, algun nubia lo pasa de bes en kuando riba nos region, prinsipalmente awe mainta i djamars mardugá. Sin embargo no ta antisipá áwaseru signifikante for di e nubianan aki riba nos isla awe. Di otro un banda, chèns pa un áwaseru lokal lo oumentá mañan mardugá.
Kondishon di laman: Por lo general moderá ku altura di olanan entre 1 i 2 meter (3 pa 7 pia). E olanan di mas haltu lo ta den e zona na nort i ost di Kòrsou.
Sistemanan signifikante di wer tropikal: Ningun.

Fenómeno spesial: Ningun.
Pèrspektiva te djárason mainta: Gradualmente mas nubia ku un mihó posibilidat pa un òf mas áwaseru lokal. Bientu lo ta ménos fuerte.
Meteorólogo: Capello/Rombley.
E próksimo boletin di tempu lo wòrdu publiká djaluna 11:00 o.l. (15:00 UTC).