KUERPO POLISIAL KÒRSOU 

KOMUNIKADO DI PRENSA

365/2026 23 òktober 2026 

Aksidente di tráfiko ku morto 

Djabièrnè 23 di òktober 2026 alrededor di 13.20’or, Sentral di Polis a dirigí algun unidat pa Mahaaiweg pa un aksidente di tráfiko ku herido. 

Na yegada di e promé unidat, el a topa un aksidente entre dos vehíkulo. Den un di e vehíkulo tabatin un dama gravemente heridá na su garganta i  ku ya no tabata duna señal di bida. 

Personal di ambulans ku a yega na e sitio, no por a hasi nada mas pa e  víktima. 

Dòkter di polis ku tambe a presentá, a konstatá morto di e dama shofùr  Julissa Vidal nasé dia 17 di novèmber 1978 na Kòrsou. 

For di investigashon a sali na kla ku shofùr di un di e vehíkulonan ku a subi  kaminda, no a duna preferensia na e otro, ku e dalmentu komo  konsekuensia. 

Durante di e aksidente aki, e víktima a risibí un herida grave na su garganta  i a fayesé na e sitio. 

Investigashon den e kaso ta kontinuá.