Akademia Showbizz di Danny Yanga dia 25 di yüni den WTC Ku un tremendo show pa klousurá e temporada.

Akademia Showbizz di Danny Yanga dia 25 di yüni den WTC Ku un tremendo show pa klousurá e temporada.

Despues di 4 luna di kurso intensivo mester bisa ku tur kos ta kla pa asina e kursistanan duna un tremendo show den WTC su Ouditorio.
Akademia ShowBizz ta e Akademia kaminda tantu nos artista internashonal Danny Yanga i dosentenan ta pasa eksperensia na tantu mucha, hóben i hende grandi pa asina krese e parti di nan talento. Yunan di Kòrsou tin hopi talento, i a yega ora pa engrandesé esaki ku aun mas talentonan nobo i personanan ku tin e interes pa aki un temporada bira parti di Kòrsou su farándula por en general.
Den e kursonan ku a tuma lugá tur djasabra tantu Danny i e dosentenan a duna lès riba e tereno di kanto, baile, aktua i tambe ekspreshon. Danny Yanga a duna di konosé ku e kursonan aki ta e di 3 edishon i tabata aun mas intensivo i ku bo ta mira rápidamente desaroyo den kada persona ku a partisipá.
Manera ta kustumber ta sera e temporada di kursonan ku un tremendo show kaminda e kursistanan ta demostrá dilanti di un públiko grandi ku ta konsistí di nan famia, amigu i konosínan ku ta bin apoyá nan i tur ku ke mira loke ku nan a siña na Akademia ShowBizz. E show di e terser edishon di ShowBizz ta titulá “One by One” kaminda nos ta para ketu riba kada un talento i nan propio abilidat i tambe karakter.
Pa e dosentenan por duna un kurso di e taya aki mester bisa ku ta algu ku bo mester ta mental i físikamente fuerte. Esaki debí ku ta traha riba e parti di kondishon físiko i tambe bo ta duna asina tantu informashon na e partisipantenan ku nan mester filtra i pone kada teps den práktika pa asina di anochi pa mainta nan tin konosementu di loke ta trata nan presentashon.
Danny Yanga ta garantisá ku tantu e i e mayornan por mira diferensha promé, durante i despues di e kursonan. E show ta bai ta unu kaminda tur e fasetanan di ShowBizz ta bai ta sentral ku un “Allure” pa kita sombré.
Danny ta konosí pa krea shownan na nivel ku tur persona pa tempu largu ta keda sigui komentá. Despues di e kurso Akademia ShowBizz ta sera pa ku temporada di vakashon i dia 13 di ougùstùs 2017 ta ranka sali bek ku e di 4 edishon di Akademia ShowBizz. Un invitashon na tur persona pa bin wak e show dia 25 próksimo ku e muchanan i despues di show por inskribí e muchanan ku tambe ke partisipá den e show di desèmber. E shownan di klousurá pa e temporada aki ta tuma lugá dia 25 di yüni na WTC, 1’or di mèrdia i 6’or di atardi. Si bo ta interesá pa tuma mas informashon di ShowBizz òf pa kumpra karchi, por yama 521-3700 òf 560-6225.
Danny, su dosentenan i e team kompleto di Akademia ShowBizz, ta yama danki na tur ku a partisipá den e kursonan i ta deseá kada unu un felis vakashon di parti di Akademia ShowBizz Danny Yanga. I danki di kurason na e mayornan ku ta sigui sostené e muchanan ku nan talento ku ta un regalo di Dios.
Pronto nos ta mira otro bek despues di vakashon i tambe yama un bon bini na un i tur ku ta sigui i tur partisipante nobo den e kursonan.

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: