Djarason anochi e proyekto musikal nobo ku ta karga e nòmber ‘ONE’ a tene nan konferensha di prensa ku a tuma lugá na Riffort Village.

ONE NEW EXPERIENCE – ONE EKSPERIENSIA NOBO

Djarason anochi e proyekto musikal nobo ku ta karga e nòmber ‘ONE’ a tene nan konferensha di prensa ku a tuma lugá na Riffort Village.
Primeramente ONE kier a hasi uzo di e oportunidat aki pa gradisí pueblo di Kòrsou, Aruba, Boneiru, Hulanda y Reino kompletu pa e entusiasmo ku a keda demonstrá for di na inisio. Fanátikonan di e diferente kantantenan ku ta forma parti di ONE a mustra hopi interes sin ni sikiera a tende e promé tononan di e agrupashon musikal.
Kiko ONE ta para pe? ONE ta un proyekto musikal ku a nase for di e gritu eksistente pa algu distinto den farándula aki na Kòrsou. ONE lo brinda un variedat di músika di diferente género. For di Salsa, Merengue, Bachata, Zouk, Ritmo Kombiná i Urban.
Loke ta hasi ONE diferente ta e aspekto ku otro kantantenan ta bon bini pa djòin nos kantantenan den kolaborashon musikal. E focus di ONE ta pa krea y mantené un sinergia musikal entre artistanan den farándula di Kòrsou i Reino Hulandes.
ONE ta kla pa brinda un variedat di músika riba un nivel indiskutibel, kaminda e talento di e artista ta para sentral. Elite Productions di Aruba huntu ku One Million Productions di Kòrsou a uni forsa pa por krea algu diferente. Un otro proyekto di ONE ta OUV, ku ta para pa ONE URBAN VIBES.
Mas informashon tokante OUV lo sali pronto.
ONE lo debutá dia 8 di yüli na Aruba huntu ku Buleria. Dia 15 di yüli ONE lo presentá un konsierto grandi pa e dushi pueblo di Kòrsou. Siguí pa e debut di ONE na Boneiru dia 5 di sèptèmber.
E eskoho pa realisá e debut na Aruba ta enkonekshon ku e di tres (3) aniversario di Buleria. Sigui nos via e sistema di retnan sosial Facebook i Instagram: “OneCuraçaoMusic” pa e delaster desaroyo nan rondó di ONE.
ONE tei pa TUR hende, sin ekskluí niun género. Pueblo di Kòrsou, Aruba, Boneiru i Hulanda…..We are ONE!
Just…….One New Experience!
By Amarcelli Scoop

This site uses Akismet to reduce spam. Learn how your comment data is processed.

Contact us



Connecting...
created by TelegramWordpress.com
error: Content is protected !!
%d bloggers like this: