Yturvides i AxL ta topa den Hak’e Curaçao Summer Festival Dos direktor musikal enkargá ku nan orkesta ‘all star’
Yturvides i AxL ta topa den
Hak’e Curaçao Summer Festival
Dos direktor musikal enkargá ku nan orkesta ‘all star’
WILLEMSTAD: Dia 28 i 29 di yüni próksimo Kòrsou lo akudí na Curaçao Airport Venue pa gosa di Hak’e Curaçao Summer Fest. Riba djabièrnè, e promé anochi, dos músiko di taya i di renombre den nan industria ta topa otro kara-kara. AxL Pikero ta topa Yturvides. Kada un, tin un tarea grandi; AxL Orchestra ta bini bèk riba demanda popular di públiko ku aña pasá a gosa sin fin di e repertorio ‘all star’. Na otro banda Yurvides, ku no ta deskonosí na Kòrsou, ya ku e ta un di e músikonan internashonal ku anualmente ta partisipá den Tumba. E tin direkshon di e orkesta ku ta biniendo for di eksterior pa kompañá Wilfrido Vargas, Fernandito Villalona i Kinito Mendez. E orkesta ‘all star’ bou direkshon di Yturvides ta un kombinashon potente- huntu nan lo ta 16 músiko riba esenario. Públiko lo risibí un fushon impaktante, un poder musikal i presentashon nunka bisto, na unda 3 leyenda di merengue ta topa otro.
E orkesta internashonal ta inkluí músikonan manera ganador di múltiple premio Grammy, Richard Marcell di New York ku a toka pa e.o Olga Tanjon, Sergio Vargas, Daddy Yankee, Don Omar, Gilberto Sta. Rosa i mas. Tambe lo tei, Javier Fernando Colón Nieves músiko pa e.o Johnny Ventura, Bonny Cepeda, Rubby Pérez i mas. Otro músiko di taya lo ta Otoniel Nicolás ku a toka pa Juan Luis Guerra i Tito Nieves. Tambe lo tei riba trompèt Angel Hernandez, Orvil Rosado, i Jan Duclear ku a toka ku Ruben Blades, Elvis Crespo, Chayenne, Celia Cruz i Marc Anthony respektivamente. Riba sax alto lo tei Robert Cora ganador di 2 Grammy, i 2 premio Lo Nuestro. Músikonan di taya internashonal pa kompañá 3 legendario di merengue.
Djabièrnè dia 28 di yüni, ta pa Olga Tañón, Tributo Al Merengue feat. Fernando Villalona, Wilfrido Vargas, Kinito Mendez y Orquesta i tambe AxL & Orchestra. Ta premirá un anochi fenomenal ku ambiente tropikal i ku lo inspirá baile sin stòp. Olga Tañón e diva di merengue lo ta espektakular kantando tur su hitnan. Miéntras Fernando Villalona, Wilfrido Vargas i Kinito Mendez lo presentá un Tributo Al Merengue. Públiko lo ta den espektativa p’e repertorio di AxL & Orchestra!
Buska bo karchi awor den e último tanda di benta. Un pakete pa ámbos dia ta 225 florin -nan ta limitá. Karchinan ta optenibel na, Ticketpoint Zeelandia, 24 Uur uit de Muur, Mensings Caminada, Van den Tweel i Vanddis. Pa informashon di VIP sekshon Balcony òf Platinum por tuma kontakto na: +5999-5209700 òf bishitá www.hakecuracao.com
