Duana a interseptá karni di kaiman i armadilo (gordeldier). (Klik pa wak potret)

DUANA TA INTERSEPTÁ 979 KILO DI KARNI I PRODUKTO DI KARNI.

Durante 2016, Duana na aeropuerto a interseptá 979 kilo di karni i produkto di karni serka biaheronan ku ta drenta nos pais.

Den e kaso aki ta trata di pòrkchòp, choriso, salami, wòrs, èts.  

Tambe Duana a interseptá karni di kaiman i armadilo (gordeldier).

Pa lei, tur importashon di karni i produktonan di karni, mester ta kompañá pa un deklarashon ofisial di sanidat di e pais di prosedensia. 

Tambe tur karni mester keda someté na kòntròl di un kùrmester promé esaki keda importá riba nos pais.

Si ta trata di karni i produktonan di karni di un animal protehá, mester presentá tambe e permisonan nesesario di CITES.

Tur e karni i produktonan di karni ariba menshoná a keda konfiská i entregá na servisio Asuntunan Veterinario pa destrukshon. 

Pa mas informashon tokante eksigensianan pa importá karni por e-mail Asuntunan Veterinario na info.uovz@gobiernu.cw.

Bo kier sa kiko tur bo por òf no por importá? Klek riba e link aki bou.

http://www.douane.cw/nl/particulier/reizigersbagage/verboden-in-en-uit-te-voeren/

Advertisements

This site uses Akismet to reduce spam. Learn how your comment data is processed.

error: Content is protected !!
%d bloggers like this: