Video di asesinato na kent u zelf

Komo ku diferente media a pone nos tambe ta publika e. Paso kon ku bia polis a pidi yudansa i sin e video aki nos no por yuda. Tur hende wak i denunsia e persona aki paso mester solushona e krimen aki. 


Komunikado di polis mes ta pidi yudansa:

KOMUNIKADO DI KUERPO POLISIAL KÒRSOU
210/ 2017
15 yüni 2017
Yamada na komunidat pa yudansa
Departamentu di Komunikashon i Prevenshon
Página 1
KUERPO POLISIAL KÒRSOU SIRBI I PROTEHÁ

Djaweps 15 di yüni 2017, alrededor di 05.30 or, Sentral di polis a dirigí un patruya na Kaya
Kent Uzelf na altura di un lugá di parker di un negoshi ku ta bende kuminda, despues di a
risibí informashon ku deskonosínan den un vehíkulo mester a lòs vários tiru dirigí riba un
hòmber. Despues a resultá ku e homber aki, Dwight Ansermo Felida nasé na Kòrsou, 21
aprel 1968 a fayesé na e sitio. E víktima tabatin algun herida di bala na e parti ariba di su
kurpa.(komunikado di prensa number 208/2017).
Den oranan di dia a sali un video den medionan sosial ku ta duna indikashon riba algun
aspekto ku a tuma lugá promé, durante i un ratu despues di e asesinato aki. Un kantidat di
kompatriota a tuma nota i a komparti e video aki. Nos ta na altura ku tin informashon den
komunidat di persona(nan) ku por a rekonosé e asesino mes of e outo den kual e
asesino(nan) tabata trafiká.
Polis ta supliká un i tur ku ta dispone di informashon di e kaso aki pa pasa e informashon
aki na polis na number di telefònnan: 917 i 108 (riba e number aki bo anonimidat ta
garantisá).

This site uses Akismet to reduce spam. Learn how your comment data is processed.

error: Content is protected !!
%d bloggers like this: