MINISTERIO PUBLIKO TA INFORMA 

Info OM:
Djabièrnè 23 di yüni 2017 korte ta bai trata e kaso di tripel asesinato di dia 24 di yüli 2016 riba lugá pa stashoná outo di Campo Allere. E tiramentu a kosta bida di Richenelo L.R. Emerencia (1994), Cristen Y. Leonard (1995) i Irvin M. Rosa (1981). Tur e tres víktimanan aki ta nasé na Kòrsou.
Dos sospechoso tin ku responsabilisá nan mes pa e kaso di asesinato aki. Nan ta S.S.G.T. (1995) i G.A.G. (1989). Ministerio Públiko (OM) di Kòrsou ta akusá ámbos sospechoso di sea asesinato òf asesinato premeditá i poseshon di arma di kandela ilegal.
E kaso ta keda tratá djabièrnè awor pa 09:30 or di mainta.
E siman aki tin pues 3 kaso importante di parti di Ministerio Publiko:

1) Djamars kaso asesinato di Ogenio den Punda.

2) Djarason kaso maltrato ku sospechoso sra. Jacinta Constancia

3) Djabierne kaso tripel asesinato na Campo Alegre.