Orashon djamars 20 di yüni 2017

Orashon djamars 20 di yüni 2017

Awor, rumannan, nos ke pa boso ta na altura di e grasia ku Dios a mustra e iglesianan na Masedonia. Ounke nan a pasa den prueba pisá, nan tabata mashá kontentu i ounke nan tabata mashá pober, nan kontribushonnan tabata mes generoso ku di hende riku. Mi ta sigurá boso ku nan a duna segun nan forsa i asta riba nan forsa! Di nan mes nan a roga ku mashá insistensia pa nan tambe por duna algu pa yuda e kreyentenan na Hudea. Nan a duna mas ku loke nos a spera: promé nan a entregá nan mes na Señor i despues na nos, manera Señor mes tabata ke. P’esei nos a pidi Tito pa terminá e obra di karidat akí ku el a kuminsá serka boso. Boso tin tur kos na abundansia: fe, elokuensia, konosementu, zelo sin límite i nos amor pa boso; p’esei duna na abundansia pa e obra di karidat akí tambe. No ku mi ke manda riba boso, pero dor di mustra boso kon ansioso otro hende ta pa yuda, mi ke haña sa kon real boso amor ta. Boso mes sa ku nos Señor Hesu-Kristu, den su bondat, a bira pober pa boso ounke E tabata riku, ya boso por a bira riku pa medio di su pobresa!
2 Korintionan 8:1‭-‬9 

This site uses Akismet to reduce spam. Learn how your comment data is processed.

error: Content is protected !!
%d bloggers like this: