KOMUNIKADO DI KUERPO POLISIAL KÒRSOU Kaso di maltrato ku detenshon

KOMUNIKADO DI KUERPO POLISIAL KÒRSOU
220 / 2017
23 yüni 2017
Kaso di maltrato ku detenshon
Departamentu di Komunikashon i Prevenshon

KUERPO POLISIAL KÒRSOU SIRBI I PROTEHÁ

Djabièrnè 23 di yüni 2017, alrededor di 00.10 or di mardugá, Sentral di Polis a risibí
notifikashon di un kaso di maltrato ku a tuma lugá dilanti un establesimentu riba Sta.
Rosaweg. Mesora a dirigí un patruya polisial na e sitio. For di un investigashon preliminar ku
polis a hasi na e sitio a resultá ku e víktima tabata den e establesimentu menshoná. Na
momento ku e víktima a sali pafó e la topa ku un hòmber konosí pa su persona ku a
maltrat’é. E hòmber víktima di 39 aña a sufri leshon na su kara i parti patras di su kabes. E
víktima a bai Warda di Polis Montaña pa duna keho, e agresor tambe a presentá na Warda
di Polis i mesora polis a detené e hòmber G.D.C. nasé na Kòrsou di 35 aña di edat komo
sospechoso di e maltrato ariba menshoná. E motibu di e maltrato te na e momento aki ta
den investigashon.
A presentá e sospechoso G.D.C. dilanti un fiskal ouksiliar ku a ordená su enkarselamentu
pendiente pa mas investigashon.