KIKO TA PASANDO

E uniko kaminda ku bo ta haña tur informashon kompletamente gratis. Klik anto lesa. Manda tur loke bo ke pa wordu publika i invitashon pa kubri rueda di prensa na e Email: kikotapasando@outlook.com

NOTISIA POLISIAL

Prueba di aktividat públiko

KOMUNIKADO DI PRENSA 505/2023
21 òktober 2023

Prueba di aktividat públiko

Departamentu di Komunikashon i Prevenshon
KUERPO POLISIAL KÒRSOU SIRBI I PROTEHÁ
Djasabra 21 di òktober 2023 den oranan lat di atardi i anochi, lo bai hasi un prueba ku un
evenemento públiko na e establesimentu ‘Mi Lucha’ riba Winston Churchillweg.
Durante di e aktividat aki lo sera e lugá di stashoná vehíkulo di e snèk na ámbos banda.
Pues tantu esun ku ta na lado di Winston Churchillweg komo esun ku ta na e lado di
Antillenweg.
Tambe lo sera un parti di Antillenweg, ku ta e kaya na parti wèst di ‘Mi Lucha’.
E tráfiko ku for di Winston Chuchillweg ke subi Antillenweg, mester pasa via di
Borinquenweg òf Turksweg pa sigui nan destinashon.
For di Antillenweg tampoko lo ta posibel pa subi Winston Churchillweg durante ku e kaya ta
será.
Un apelashon ta bai na tur bishitante di e aktividat públiko aki, pa stashoná nan vehíkulo na
un manera responsabel, sin stroba seguridat òf libertat di tráfiko i no para dilanti
entrada/salida di kasnan i/o negoshinan den besindario.
Alabes ta spera un bon komportashon di kada siudadano ku ta bishitá e evenemento, ku ta
bini pa pasa un ratu plasentero.
Por último polis ke hasi un petishon na shofùr di tur vehíkuo motorisá ku ta move den e
área ei durante ku e aktividat ta tumando lugá, pa redusí velosidat ya ku lo tin hopi persona
ku ta kanando òf krusando e kayanan den e besindario ei.

 

639114718427035"
639114718427035"